‘Ma xover da û ma dijî dewlete sere nêrona; no semedî ra lazim o şima ma reyde heşm hîs bikerî.’ Embazê Mehmet Tunç’î yê zindanî û Hemserokê DBP yê Şirnexî Salîh Gunenç derheqê Mehmet Tunç’î de qisey kerd û zanayîşan day.
Roja serkewtişî nezdî ya
Gulenç ciresna ke Mehmet Tunç serra 2009 de bi hemserekê Partîya Komelî ya Demokratîk’î (DTP) û bi no hawa dekewt mîyanê sîyasetî û wina vat: “Wexto ke ma ci ra vat ke bibe hemserekê Cizîrî, vat ke, ‘Ez hende wayîrê zanayîşî nîya’ û nêwaşt bibo. Labelê wexto ke ma israr kerd, vat: ‘Ez birê rayvistişî esas gêna, no semedî ra qebul kena. Seba şarê ma çi lazim bibo ez do bikera’. Serra 2011 de operasyonê KCK de Mehmet zî ame tepiştiş û zindan de her tim vatênê ‘Roja serkewtişî nêzdî ya, şarê kurd do mora xo bido dîroke ro’ Embazê Mehmet bi xoverdayîşê xo mora xo da dîroke ro. Lazim o heme ciwan û sîyasetmedarê kurdan nê vatişê ci xo rê finak bigîrî.
Gulenç dergeyîya qalîkerdişê xo de dîyar kerd ke seba ardişê ziwan a embazê Mehmetî çekuyî qîm nêkenî û wina vat: “Embaz Mehmet her tim çimeyê Rayberî û tevgerî wendênê û wexto ke ma boya xo daynê daxî o wendênê.
Embaz Mehmetî esas bigîrime
Embaz Mehmet mîyanê demêkî kilm de zindan de xo zaf rew aver berd û demo ke kilm de dest pê dayîşê dersê ziwanê kurdkî kerd. Embaz Mehmet xo her hetî de aver berdênê û wayîrê kesayetîya Apoger bi. Embaz Mehmet her tim huyaynê û bi heyecan bi. Taybetî nê xususîyetê ci bala embazan antî. Wexto ke Mehmet zindanî ra vejya, Şengal û Rojawan ser o hêrişê girdî estbî û Mehmet seba ke şêro Rojawan û Şengal xover bido, zaf israr kerd la embazî qebul nêkerdî. Hemserekê KCK Cemîl Bayik zî embaz Mehmetî sey Seyîd Rizayê wextê xo da şinasekerdiş. Ganî sîyasetmedar, ciwan û her kes embaz Mehmetî esas bigîro.”
DÎHA/ŞIRNEX