Na agahî zî Semsûr de xorayvistkerdişê DAIŞe nîşan da. Qirkerdişê Semsûrî de Şeyh Abdurrahman Alagoz xo teqnabî û hewna Yunus Emra Alagoz zî Qirkerdişê Enqereye de xo teqnabî û nika vejîya ke nê di kesî birayî û Semsûr de zî taybetê Ocaxê Çay a Îslamî ra şîyî.
Hewna taybetê malbatê nê xokiştoxî emnîyetî ra serpiro dayî û vatî ke domanê înan bêro vînayîş labelê emnîyet qet na babet de çik nêkerdo.
Lîsteya xokiştoxan de nameyê Ersel Ocakî zî esto û rewşa domanî xo ser pîyê ci Mehmet Ocak qise kerd û vat ke ê seba domanê xo çend ray Emnîyetê Semsûrî ra serpiro dayî labelê qet emnîyet elaqadar nêbîyo.
Ocaxê çay a îslamî
Mehmet Ocak aşkera kerd ke domanê ci xo ra sanayî de xebityayo labelê yew demî ra pey lajê ci bedilyayo û yew saetî ra pey dest pê vejîyayîşê teberî kerdo û her tim hincet zî kaykerdişê topî mojnayo labelê peynî o musayo ke lajê ci şono Ocaxê Çay a Îslamî ra û lajê ci tewro peynî 29 citmenga 2014 keyeyê ra vejîyayo û êdî nêagêrayo keyeyî.
Ocak destnîşan kerd ke lajê ci Ayşenur Încî reyde şîyo û peynî zî vejîyayo ke lajê ci û Ayşenur Încî pîya lîsteya xokiştoxî de ca gênî û wina vat: “Peynî malbatê Ayşenur Încîye heqê min bi îdiaya lajê min kênaya înan remnayo de gerraker bîyo. No ser zî emnîyet vengê min da û ez zî şîya labelê emnîyet qet eleqadar nêbî. Min emnîyet de vat; beno ke lajê min beşdarê DAIŞe bîyo la emnîyet îfadeyê min daxî nêgirewt. Peynîya hîrê aşmî Ayşenur min gêra û vat ke ê Ersel reyde pîyayî labelê cayê xo nêvat. Peynî çend ra lajê min zî min gêra û min ci ra vat; nameyê to lîsteya xokiştoxî de bî lajê min, bî ma to pank bivejî la ey vat; sûcê min çino û nêvat kam cayî de yo. Hetanê nika qet Emnîyetê Semsûrî ma reyde eleqadar nêbî û êdî ez lajê xo wazena.”
DÎHA/SEMSÛR