Emo-Omer- Adar, Çewlîg ra yo.  Qezeyê Bongilanê-Solaxanê- dewa Çirikê Wankanî ra yo.

Emo mektebê Tirkan e Yibo de wendo. Weş biyo Tirk.
Baw û dayî yê Emo Adar Kirdî. Her di zî Zazakî qise kenî. Dayî û bawê Emo yew qisê Tirkî nîzanî.
La seyî bena ke ez zî nîzana, Emo weş biyo Tirk.
Emo wexto ke şîyo mektebê verenî Kird bi, wexto ke mekteb xelas kerda Tirk vejiyo û weş biyo Tirk.
Yanî emo sey Kird kewto zerrê mektebê Tirkan, sey Tirk zî vejîyo.
Hina weş biyo Tirk ke, dewletê Tirkan, Emo xelat kerdo. Kerdo yardimkarê walîye bajarê Ordu.
Emo ye Tirk wexto ke sey Yardimkarê Walîyê Ordû, Giresûn de yew kombiyayîş de qise kerd.
Fekê xo  akerd û fekê êye re adir vara.
Qise xo da pê yew bîn. Va, “Kiro yê Kurdistan yenî Behra Reş-Karadenîz – hereminenî. Hemenê înan qij û pîl cahîlî”.
Va, “Behra Reş sey warê xo vînenî yenî tîya”.
Vatişek esta vanî ya, “Qereçî seyî bîyo paşa verê hemê çîyan bawê xo aleqenayo”.
Dewletê Tirkan, Emo kerdo walî. Emo zî xo vînkeno, verê hemê çîyon Kirdan ra heqeret keno.
Ti vanê qey baw û dayîyê Emo tornê Moxolanî. La raştî hina nîya.
Ma zanî Emo dewa Bongilan-Solaxanê- Çirikê Wankanî ra yo. Emo seba rûtbi, seba payê, seba kursî xo roşeno.
Seba bikewro çimê Tirkan hemverê baw û qalanê xo, mîlletê xo heqeret keno.
Emo  vercu zî yew nuştê nuştêbi.
A nûştê xo de vatibi êsle Kirdan-Zaza, Kirmanc, Dimil, Kurmanc- Tirkî.
Emo no nûştê xo zî malpera tavz.net de vila kerdi bi.
Nika zî bi name Omer Adar, nûştê êye tavz.net de yenî weşnayiş.
Tavz.net yew goşê qey Emo ciya kerdo. Xo ra wayîrê tavz.net Weysî Çelîker zî sey merdûmê dewletê Tirkan yeno şinasnayîş.
Omer Adar nuşteyon xo ê tavz.net  de nata  weta , beno ano vano eslê Kirdan-Zaza-, Tirkî.
Wey bawo!
Emo, bîyo walî, şarê xo vîr kerdo.
Bîyo walî la ze Tirkan qise keno.
Bîyo walî la nîbiyo însan.
Emo, çika wendo, bîyo walî ewqas zî bîyo cahîl.
Emo bîyo walî la qet nîbiyo çîk.
Verê heme çîyan, Emo-Omer- Adar- nîbîyo însan.