Bajarê Strasbourgî yê Fransa de vernîya Konseyê Ewropa (AK) de, çalakîya Ocalanî rê Azadîye ke 6 serrî yo bêmabên dewam kena no hewte endamanê Komîteya Herêma Komelî ya TJK-E dewr girewte.
Çalakîkeran bi eşkerayîyêk da zanayene ke ê seba weşîye û tîvarîya Ocalanî qisawet kenî û Komîteya Vernîgirewtişê Îşkenceyan (CPT) û Konseya Ewropa (AK) ra waşt ke wa wezîfeyê xo bîyarî ca û vera tecrîdî de bivinderî.
Çalakîkeran seba wayîrvejîyayîşê Ocalanî zî veng da û waşt ke vernî de cinîyê kurdî heme hetê demokratî wa seba azadîya Ocalanî beşdarê çalakîyan bibî û vera neheqîye de vengê xo berz bikerî. TJK-E û pabesteyê ci aşme de tewr tay hewteyêk Nobeta Ocalanî rê Azadîye de cayê xo gênî.
ANF / STRASBOURG