Çalakîya Nobeta Ocalan rê Azadîye ke 25ê Hezîrana 2012î ra nata rasteyo ke awanîyê Konseyê Ewropa, Mehkemeya Heqê Merdiman ya Ewropa (AÎHM), Komîteya Vernîgirewtişê Îşkenceyî (CPT) û Parlamentoyê Ewropa estî de yena viraştiş. Nobete her hewte hetê grûbêka cîyaye ra yena dewrgirewtiş. Nobete no hewte hetê endamê Komîsyonê Bawerî yê Federasyonê Elewîyê Demokratîke (FEDA) ra ameye dewrgirewtiş. Seke yeno zanayîş hewteyo bîn grûba ke bajarê Gîessenî yê Almanya ra ameybî nobete tepiştbî, nika dewrê endamanê FEDA kerdî. Na grûbe de bi nameyê Ayten Şîmşîre, Velî Kaya û Mehmet Canî de 3 kesî estî. Endamê Komîsyonê Bawerî yê FEDA qala muhîmîya azadîya Ocalanî kerdî û wina vatî: “Pawitişê Ocalanî, goreyê bawerîya ma yo. Goreyê bawerî, eke azadîya merdimêk destê ci ra ameyo girewtiş û o merdim seba başîye û aştîya merdimîye zaf xizmet kerdo, o wext ma zî do hetê ci de bibî. Bawerîya ma wina emir kena.” Seke yeno zanayîş verê cû zî endamê sey Komê Îslamî yê Kurdistanî (CÎK) û Merkezê Komeleyê Êzidîyanê Kurdistanî (NAV-YEK) û sewbîna dezgeyî beşdarê çalakîya nobete bîybî. Reyna hunermend, îdarekar, rojnameger û temsîlkarê komele û dezgeyan zî beşdarê na nobete bîybî. ANF/STRASBOURG