Zîndanê Kurdistan û yê Tirkîyayî ke neheqî, zext û tedayan reyde hertim rojeve de bî, nika zî bi bîyayîşêko skandal rojeve de yî. Demanê peyênan de merdimî bi sebebanê erjanan ver tewqîf benî û erzîyenî hucreyan û teberê îradeya xo de erzîyenî koguşanê hetê xoseran û hewl dîyeno ke teslîm bêrî girewtiş.
Nika zî endamê MÎT û polîsî xo dekenî herinda avûkatan û zîndanan de hepsîyan zîyaret kenî. Nê kesê ke herinda avûkatan de hepsîyan zîyaret kenî, hepsîyan ser de ajanîye ferz kenî. Bitaybetî Zîndanê Tîpa Dyî yê Amedî de endamê MÎTî ke xo dekenî herinda avûkatan, hepsîyan zîyaret kenî û înan ra vanî ‘Keyeyê to ez erşawita. Ez do avûkatîya to bikera. Ti eşkenî derheqê xo û koguşê xo de melumatan bidî mi? Ti ciwan î û ti heyf î. Ti tîya de mendişî heq nêkenî. Mi rê name bide, wa cuya to bixelisîyo. Eke vatişê mi bikerî, ez do to hepis ra veja.”
Na rey vera xo dayî keyeyan
Badê ke hepsîyan keyeyanê xo ra vatî, hedîse vejîya orte. Goreyê melumatê ke keyeyan ra ameyî girewtiş, bin nameyê avûkatan de polîs û endamê MÎTî hepsîyan zîyaret kenî. Derheqê berpirsîyarê zîndanî de melumat hepsîyan ra wazenî. Wexto ke hepsîyî cewabêko negatîf danî, nê kesî na rey vera xo danî keyeyan û înan tehdît kenî. Keyeyî dîyar kenî ke na rewşe ver etirîyenî û vanî ‘ti temînatê canê domananê înan çin o’.
ANF/AMED