Bajarê Kirmaşanî ra girêdaye qezaya Sepolê Zehabî de erdlerzo ke şîdetê ci 6.4 o qewimîya û ame musayene ke netîceyê erdlerzî de 10 ra zêde kesî merdî û 634 kesî zî birîndar bîyî.
Merkezê erdlerzî qezaya Sepolê Zehabî yo û bajarê Îlam, Loristan, Kirmaşan, Sine, Urmîye û Başûrê Kurdîstanî ra zî Silêmanî, Helebçe û sewbîna cayan de no erdlerz ame hîskerdene. Goreyê malumato ke Unîversîteya Tehranî dayo, şîdetê erdlerzî 6.4 o.
Herçiqas ke dezgehanê fermî yê Îranî dîyar kerd ke kes nêmerdo, labelê çimeyanê herêmî dayo zanayene ke 10 ra zêdeyêr kesî merdî û 634 kesî zî birîndar bîyî. Nînan ra Zehab de 290, 170 kesî Gilan Qel de 170, Qesrî Şîrîn de 109, Şah Abat de 54, Dalaho de 6 û Salas de zî 5 kesî birîndar bîyî. Reyna goreyê çimeyanê herêmî xeylê banî rijîyayî.
ROJNEWS / KIRMAŞAN