“Her çend ke no serkewtiş pergala îqtîdarî teşanaya zî bi temamî xirab nêkerd, dekerd mîyanê qrîzî. Wexto ke pergal dekewt mîyanê qrîzî zî hemverê kurdan dest pê şerî kerd. Labelê qezencê kurdan bi ti awayî têk nêşono. Lazim o no bêro dîyîş.”
Êy ke biqedya AKP ya
Seîd dergeyîya qalîkerdişê xo de bal ant ser veradayîşê çekan û wina domna: “Kurd her tim vanî ger ke rayîrê demokratîk bêrî akerdiş êy zî do çekan verabidîy. Labelê weçînayîşan ra dima AKP şer da destpêkerdiş. Şer tewr zaf zirar dano kurdan. AKP şer de zaf israr kena û wazena no şerî xorî bikera la no şer do tewr zaf AKP biqedêno.”
PKK tevgerek merdimî ya
Seîd ciresna ke PKK tevgerek merdimî ya û wina vat: “Coka nêwazena ke merdim zirar biveyno. Bala xo bidê bi hezaran ciwanê kurd herinda ke şêrî Ewropa de cuyeyek asan bicuyî verê xo danîy serê koyan û beşdarê PKKe benîy. Mîyanê PKKe de azadî gêyrenî. No çîyo ke zaf bi mana yo. No semed ra lazim o vernîya AKP ke wazena kurdan kaş bika mîyanê şer bêro girewtiş. Ya ke kurd hemverê AKPe kenîy xo pawitiş o û çîyo ke merdimî yo. Êy ke verê kurdan dana çekî dewleta tirk a.”
Verpersîyarîya roşvvîrê tirkan
Seîd bal ant ser verpersîyarîya roşnvîrê tirkan û wina vat: “Wezîfeyê ewil ke bêro kerdiş vindarnayîşê no şerî yo. No wezîfe ra zî tewr zaf roşnvîrê tirkan verpersîyar î. No semed ra roşnvîrî lazim o dijî no şerî bivindîy. No wezîfe zî wezîfeyek dîrokî yo.”
Seîd tewr peynî ard ziwan ke pawitişê Kurdistano Vakûr yeno manaya pawitişê Kurdistano Vaşûrî zî. Têkoşîna Vakûr çend gird bibo Vaşûr zî hende gird beno. Ger ke weyra vinî biko do Hewlêr, Silêmanîye, Duhok zî vinî biko. Dîwarê pawitişê Kurdistano Vaşûrî Qendîl o. Lazim o no baş bêro famkerdiş.”