Sabrî Ok, îşgalkarînê dewleta tirk ê Cerablûs zî, zey leteyê siyasetê qerekterê îşgalkarîn hesibna û vat: “Îşgalkarîn qerekterê dewleta tirk de esto. Kerdenê ci ê hetanî nika zî, enê qerekterê dewleta tirk rafînenê çiman ver. Dewleta tirk nika wazena qerekterê îşgalkarîn ê Osmanijan rojane bikero.
Erdogan dişmenê kurdan o
Sabrî Ok eleqe ant vatenanê Serokkomarê tirk Tayîp Erdogan ê pêkerdişê Lozan'î zî ser û va: “Erdogan bi vatena "Pêkerdişê Lozan, serkewtiş nîyo" eşkere keno ke, sînorê nika ê Tirkîye ey tetmîn nêkenê. Erdogan wayirê zîhniyetê îşgalkar û hegemonîk o. Goreyê ey, Surîye û Iraq, zey Osmanijan, eyaletê Tirkîye bê. Xo zey xelîfeyê 5. vîneno.” Ok'î qalê zîhniyetê tirkperest ê Erdogan'î kerd û da zonayen ke çimê Erdogan'î vera kurdan giroteyê. Dişmenê kurdan o. Sabrî Ok’î vist vîrî ke girotişê televîzyonê domanan Zarok TV, bi serê xo dişmenî û nijadperestîya Erdogan û AKP ya verra kurdan rafîneno çiman ver.
Ganî bi ganî însanan veşnay
Sabrî Ok’î eleqe ant siyasetê rijnayiş, xespkerdiş û talankarîye ya dewleta tirk ê vera sûkanê Bakurê Kurdistanî ser û vat: “Ferqê Silopî û Şirnex, Heleb û Hama ra çinîyo. Eno lej nîyo çîk o? Dewleta tirk ganî bi ganî merdimî veşnay. Gerek welatê Ewrûpa û dinyay enê siyasetê dewleta tirk bivînê. Ok’î seba ke çarekerdişê mesele de rol bigîrê veng da Almanya, Fransa û Emerîka û va, ‘Eke nê dewletî seba çareserîn rol bigîrê, ma zey hetê kurd, çareserîn rê hedreyê. Iyê ke wastenê aştî û çareserîn red kenê û lej de israr kenê, dîktatorînê Erdogan û AKPyê.’
2 kiştê Firatî Tirkîye eleqedar nêkeno
Sabrî Ok’î ser persa ‘Tirkîye wazena kurdî rojawayê Firat'î ra biancîyê rojhelatê Firat'î de wina va: “Çira wastena Tirkîye ser, kurdî ya zî erebî cayê ra biancîyê. Hem rojhelat û hem rojawayê Firat'î, Bakurê Surîye yo. Bi maneya cografîk de zî, wija Kurdistan o. Heqê Tirkîye çinyo ke çîyekê winayîn vajo û biwazo.” Endamê Konseyê Rayverîn ê KCK'î Sabrî Ok eleqe ant hetkarînê dewleta tirk ê qandê çeteyan ser û va, ‘ewleta tirk desteg dana çeteyan. Nameyê ci çi beno wa bibo, gerek destegkerdişê çeteyan ra fek virado. Şaranê Surîye rehet virado.
DÎHA / ŞENGAL