Komîsyonê Verdayîş ê Meclîsê Tirk pê yew raporê heqê ke ceniyan heta êr pê emegê xo viste dest gasp keno.Eşkerakerdişê no raporo bêehlaqî dima Kurdistan û Tirkiye de ceniyî wirişt lingan ser.
Îstîsmar beno rewa
Meclîsê Ceniyan ê Kongreya Demokratîk ê Îslam zî pê yew eşkerakerdişa vera raporê AKP veciyay. Parlamentera HDP ê Stenbolî Huda Kaya zî tewrê eşkerakerdişî bî. Eşkerakerdiş de azaya Şûraya Meclîsa Ceniyan ê DÎK Halîmê Aksoy vilavok wend. Aksoy vatişê Wezîrê Keyeyî Sema Ramazanoglu 'yew duyerim ra tiway nêben' arde vîrî û vat: “Pê no vatişa senî ke verniyê îstîsmar beno a, pê tewr tacîzkar zewacazî îstîsmar beno meşru.”
Heqanê cenîyan xesp kena
Aksoy arde zûne ke pê no rapora yew şaro serdest-camiyerd hedef beno. Halîme Aksoy hikumetê AKP pê polîtîkayê xoya lemin senî zirar dana dînê Îslam, no zî arde vîrî û vat: “Hikûmetê AKP pê kerdişanê xo esas prensîbanê exlaqî yê dinê Îslam ser û bin kena.”
Aksoy vat; pê mehneyê mahrumiyetê keyeyî, wazenê ke rexistenê ceniyan ke semedê azadiyê ceniyan tekoşîn kene, vernî înan bigerî. Aksoy arde zûne ke, rapor eşkera heqanê ceniyan û qijan xesp keno. Pêniyê eşkerakerdiş de vaciya ke, ê verva na bêexlaqîyê hetûn pênî tekoşîn kene û wahar heqanê xo veciyene.
DÎHA/AMED