Dezgeyê Nêweşxaneyê Rayapêroyî yê Tirkîya yê Wezîrê Weşî nuşteyêk erşawit Sekreterîya Pêroyî ya Yewîya Nêweşxaneyê Rayapêroyî yê Mêrsînî. Nuşte de talîmatê kesê sûrîyeyî yê ke şer ver koçê Tirkîya kerdî, eşkenê unîversîteyan de wendişê xo bidomnî, yeno dayîş. Reyna nuşte de xebetnayîşê doktorê pisporan yeno plankerdiş. Babete ser o Îdarekara Sendîkaya Xizmetê Sosyal û Weşî ya Şubeya Mêrsînî (SES) Fîlîz Çelebîye qisey kerde.
Çelebîye destpêkê qiseykedişê xo de bale ante nîyetê nuşteyî ser û wina va: “Programê perwerdeyî de bi erjanî xebetnayîşê doktoran û ‘tirkkerdişê’ kesê sûrîyeyîyan, yeno hedefgirewtiş. ”
Çelebîye qiseykerdşê xo de qala munaqeşeyê hemwelatî hesibnayîşê şarê Sûrîye kerde û wina va: “Bi serran cinîyê kurdî seba ke tirkî nêzanayênê hetê weşî de zehmetî antênê û heqê weşî nêdîyayêne înan. Hetê weşî de îxlalê heqan hema zî dewam kenî. Eke dewlete wina bikera, ganî perwerdeyê zimanê kurdî bida doktor û xebatkaranê weşî. Eke wina bibo, ma do piştî bidî programê weşî.”
DÎHABER/MERSÎN