Taxê qezaya Sûrî yê Amedî bi cayanê xo yê tarîxîyan yenî şinasnayîş. 4 taxanê Sûrî de hema zî rijnayîş domîyeno. Destpêkerdişê rijnayîşan de ame vatiş ke do keye û eserê tarîxî bêrî restorekerdiş. Labelê dima ra ame dîyayîş ke keyeyê bi hezaran serreyî û eserê tarîxî nê rijnayîşan de ameyî rijnayîş.
Qedexeyê tebervejîyayîşê 4 taxan kewt roja xo ya 482. Banê 24 hezar keyeyan ameyî rijnayîş û keyeyê ke bi kerrayanê Bazaltî virazîyayî nêmendî. Qereqolî qeleyê Sûran ra zeleqnaye ameyî viraştiş û seba meterîsan bismarî ameyî kuyayîş. Taxê qedexekerde bîyî sey bloqê betoninan û dormeyê înan bi têlan ameyî girewtiş. Bircê Bize hetê hêzê dewlete ra ame girewtiş û sey cayê destawe yeno xebetnayîş. Tarîx û eseran de erj nêverdayî û waştî ke erjê şaran bêqîmet bikerî. Bircê Bize û Mînareya Çar Linge hema zî mîyanê taxanê qedexekerde de yî. Dormeyê Mînareya Çar Linge de çîyêk daxî nêmendo. Bingeyê banan bi ‘Projeyê Pawitişê Sûrî’ ameyî eştiş û tarîxê şaran ser de bînayî yenê viraştiş.
ŞÛJIN/AMED