Eskerê tirk, B. Kurdistan û Mûsil de se keno?

Dewleta tirk, dewletêk dagirker a. Neyarê Kurdistanî ya. Mîyanê neyarê Kurdistanî de neyara tewr xiraba. Neyarîya Kurdistanî de serkeşî kena. Gonîyê pêronê şarê Kurdistanî bişimo û bewro mird nîbena. 

Seba ke şarê kurd nêreso azadîya xo, hina bê exleqa ke do gergoşê xo zî biroşo. Hina dewleta ke bêar û bênamûsa. Rîya erdê dinya de dewleta ke hina bêar û bênamûs çin a. Yew vano, qey genetîka na dewlet ser esasê neyarîya Kurd û Kurdistan ameya awankerdiş. Xora dişmenê kurd yê sereke R.T.Erdoganî, Moskova de qisey kerdibi vatibi ke:” Eke yew nêfikro kurdî çînî.” Reyna vatibi ke, “Arjantîn de dewleta kurd awanbibo, ma qebûl nîkenî.” Nika zî vano, ma nîverdanê Bakurê Surîye de sey Bakurê Iraqî de yew statuyêk (Kurdistan) awan bibo. Qey (seba)Rojawa de Kurdistanêk Azad nêronîyo, dewleta tirk kewt Cereblûs, El Ray, Ezaz û Herêma Şehba. 

    Eynî dewleta tirk ewro şîya Mûsil de kewta Başiqa yê Kurdê Êzîdî û vana ‘ez uca ra nêvejîyena.’ Ser ra Erdogan zuran keno û vano, “Dewleta Iraqî vengdawo ma, ma hina şîyê kewtî Başiqa.” Iraq peymanê xo û dewleta tirk nîşandano vano raşta ma 2009 de dewleta tirkî ra peyman viraşt a. La peymane ma de, ma vato ma eşkenî polîse xo bişirawi Tirkîye û Tirkîye eşkena polîsê ma perwerde bikero. La peymane de çino ke eskerê tirk pê sîlah û cebilxaneyê bikewo Iraq.  Ser na peymanî  pêronê dinya vana wa, dewleta tirk eskerê xo Başiqa ra bianco. Amerîka vana, ti peymane hêzên koalîsyanê hemberê çeteyên DAÎŞ’î  de Tirkîye bêro bikewo Başiqa ma de çino û dewleta tirk koalîsyon de ca nîgena. Bîyayîşê dewleta tirk Başiqa de meşrû yane rewa nîyo.

 Herkes na raştî vano. La yew hêzêk zurker yê bîn esto. Eynî sey dewleta tirkî zuran kena. Vano, “Dewleta tirk pê destûra Iraqî ameya kewta Başiqa.” O hêz PDK ya. Sermîyanê PDK, keyeyê Barzanîyê. PDK, eskerê tirk bena kena Başiqa û Başurê Kurdistanî.  Cilê pêşmergeyan dana înan û bena kena Şengal, Telafer û Zumar. Neyarê Kurd û Kurdistanî bena kena welatê kurdan, la gerîlayê Kurdistanî ra neyarî kena. Vana, gerîlayê HPG-YJA STAR û hêzên kurdê êzîdî (YBŞ) Başûrê Kurdistanî de se kenî. Wa na ca ra bivejîyenê. Ser ra zî karê diplomasî kena vana wa quwetê YBŞ tewrê operasyonê Mûsil nêbê.  No çi Kurd û Kurdistanîbîyayîş o? No çi neyarî yo. No, çi hal o. No çi sosret o? PDK, hina ya ke neyaran ra doktor a, şarê kurdî rê mar a. Raştiya PDK hina ya.