Şaredarîya AKPyî qezaya Eyyubîye ya Riha de ruhsat nêdana esnafê ke wazenê Cadeyê SSKyî ser de dikanan biakerî. Ame îdîakerdiş ke bin nameyê ‘bexşî’ de esnafan ra pere yeno waştiş û yê ke nêdanî zî ruhsan nêdîyeno înan.
Esnafan ra Îbrahîm Yavuzelo ke wayîrê dikanê teknolojîyî yo wina va: “Wexto ke mi dikan akerd, heme ewraqê mi temam bî. La wexto ke ez seba ruhsatî şîya şaredarîye mi ra 675 TL pere ame waştiş. Îdarekarî mi ra vatî ‘şo wezne dima ra ma do ruhsat bidî to.’ Mi zî pere da û ruhsat girewt.”
Esnafan ra Erdal Koçî zî wina va: “Mi dikanê xo kirişt kişta bîne. La heme ewraqî newe ra ameyî waştiş. Şaredarî de 480 TL pere mi ra ame waştiş. Mi înan ra pers kerd, ê zî vatî pereyê bexşî yo. Mi va; ez şima rê pere bexş nêkena. Ê zî vatî eke ti nêkerî ma do 750 TL to ra bigîrî.“
DÎHABER/RIHA