Herêma Tendurekî ke mabênê qezayanê Ebex, Bazîd û Gîyadînî de manena, operasyonanê leşkerî ver Rayîrê Ebex û Bazîdî trafîk rê ameyo padayîş. Nêyî ver şarê herême mexdur beno û bitaybetî esnafî xeylê zehmetîyan ancenî.
Esnafî 24ê Gulane ra nata nêşênî şêrî Bazîd ra çîyan bîyarî û biroşî. Cok ra esnafî wazenî wa rayîr bêro akerdiş. Babete ser o esnafî qisey kerdî.
Esnafan ra Ferman Yildirimî va ‘wexto ke rayîr akerde bî, ma tim şîyêne Bazîd û çîyanê neweyan ardêne. Badê ke rayîr padîya karê ma zî vindet. Rayîrê Bazîdî 70 kîlometre bî, labelê nika rayîrê ma bîyo 300 km û 4 saet dewam keno. Seba ke rayîr derg bî, kelmel zî vaye bî. Nika çîyêko 2 TL yo bîyo 10 TL. Eke wîna dewam bikero, ma do dikananê xo padî.”
Do qiyamet biqerfîyayêne
Tekîn Keleşî zî dîyar kerd ke reya sifteyîn a ke karê înan hende kemî bîyo û va ‘ganî rayîr bi hawayo lez biabo. Eke Rojawan de bibîyêne, do qîyamet biqerfîyayêne’.
Zîya Bîlîcîyî zî va ‘rayîr bîyo îşkence û ma ser de tesîr keno’ û wina qedêna: “Ma 2 serrî yo ke zaf zehmetî ancenî.”
DÎHABER/WAN