ROZA MIHEMED ROJNEWS/SILÊMANÎ Bi nameyê Mihemed Emînî de keso ke serra 1940 de Silêmanî de ame dinya, 1957 ra nata fotografan anceno. Emîn qesabaya Çiwarta ya Silêmanî de keso ke ewil kamera girewto destê xo yo. Emîn o wext ra nata bi seyan kesê namedarî antî û nika dikanê xo de pêşkêş keno. Emîn 1969 de dikanê xo akerdo û o wext ra nata dikanê ci esto. Verê cu keyeyî wexto ke waştêne bi hawayo komî fotograf biancî, vera xo dayêne Silêmanî. Emîn seba ke rayîrê înan kilm bikero, dikanêk akerdo. Nika dikanê Emînî, sey mekanêko nostaljîk yê şarê herême yo. No dikan de bi hezaran fotografî estî. Emîn nê karê xo dikanê xo de bi eşqêko gird domneno.