Eşteyî benî sebebê mergê gandaran

Seba ke qezaya Pulurî ya Dêrsimî de tesîsê awguznayîşî çin o, heme eşteyî erzîyenî Çemê Muzirî. Çemê Muzirî ke erjê çimeyî yo esasî yê Parka Mîllî ya Newala Muzirî ya de nê eşteyî benî sebebê xeylê çîyan.

Babete ser o Vervatoxê Teşebusê Pawitişê Mîraso Tebîî û Kulturkî yê Dêrsimî Bariş Yildirimî Ajansê Mezopotamya ra Semra Tûrane rê qisey kerd û hişyarîyê muhîmî kerdî. Yildirimî va ‘erjê çimeyê esasî yê Parka Mîllî ya Newala Muzirî Çemê Muzirî yo’ û wina dewam kerd: “Seba ke tesîsê awguznayîşî çin o, heme tewir eşteyî kewenî mîyanê Çemê Muzirî. Eşteyan ver dûştê oksîjenî yê awe keweno û no zî beno sebeb ke senînîya awe biba xirabine.”

Yildirimî dewamê qiseykerdişê xo de wina va: “Butçeya şaredarîye qîm nêkena û ganî no het de heme dezgeh û sazgehî piştîdayîşyewbînan bidî Şaredarîya Pulurî. Bi xirapbîyayîşê senînîya awe, sere de tewirê maseyan û bibo sebebe mergê xeylê tewiranê gandaran. Reyna do bibo sebebê mergê paskovîyan. Ma nimuneya nêyî 2017 de dî. Xeylê paskovîyê ke çemê Pîlemurîye ra awa eşteyine şimitbî û cok ra merdbî. Eke ma vernîya ci nêgirî, o wext do cuya yebanî biqedîyo. Xora Tirkîya û dinya de çimeyê awa pake her ke şono kêmî benî. Cok ra ganî çimeyê awa şîrine bêrî pawitene. Eke ma vernîya ci nêgirî o wext do tayê çîyî nêagêrî.” n

DÊRSIM