Hunermend Mîkaîl Aslan û Alî Sîzerî bajarê Glasgow û Edînburgî yê Îskoçya û bajarê Londra yê Îngilistanî de konserî dayî. Konserê Îskoçya hetê Merkezê Kulturê Elewîyan yê Glasgowî ra ame organîze kerdene û nizdîyê 200 kesî beşdar bîyî. Konser de deyîrê Kirmanckî û Kurmancî ameyî vatene û semah ame girewtene.
Konserê Edînburgî zî hetê Merkezê Kulturî yê Pîr Sultan Abdalî ra ame viraştene û xeylê kesî beşdar bîyî. Konser de hunermend Aslanî qisey kerd û dîyar kerd ke verê cû ozan û goşdaritoxî têhet de roniştênê û wina hunerê xo viraştêne.
Konsero ke Londra de ame viraştene rê eleqe zêde bi. Konser hetê Merkezê Kulturê Elewîyan yê Îngilistanî ra ame viraştene û pîr Mustafa Misir û pîr Alî Derelî zî beşdarê konseri bîyî. Konser de Misirî qala muhîmîya girewtişê cemî kerde. Pîr Derelîyî zî da zanayene ke ganî herkes domananê xo bîyaro girewtişê ceman; çimkî ancax bi no qeyde bawerî û kultur neqlê neslanê neweyan yenî kerdene.
PÎRHA