Ey bê vîjdanê!

Piştî no şer  de dewleta Tirk esta. Dewleta Tirk, bi name ciya ciya çeteyan awakena û şiravena Rojavayê Kurdîstan. Dewleta Tirk, seba ke, Kurdê Rojava azad nîbenê û serweriyê xo nîvirazenê, nê çeteyan dana şixulnayîş. Ze tetîkkeş, hemverê Kurdan dana şerkerdiş.
Zobî zî, dewleta Tirk bi name ciya ciya komal û weqifan awa kena. Bi nayê komal û weqifan, zerrê Vakurê Kurdîstan de fesadî kena û wazena Kurdan lete bikero. Kurdan ver Kurdan bido şerkerdiş.
Pêro nê komal û weqif girêdayê rêxistinê Gladîoyê Otûken  yê Fetullahîyê.  
Êdî dewleta Tirk, vakurê Kurdîstan de biya komal û weqif. Bi nayê komal û weqifan, karê kont-gerîla kena. Karê Tirkperêstî kena. Karê qirkirinê kena.
Dewleta Tirk, Vakurê Kurdîstanê de biya Ozgûr-Der, bîya Cemaatê Mustazaf, bîya Cemaatê Fetullah, bîya weqifê Bulbulzade.
Nayê komal û weqif, şerê Rojavayê Kurdîstan de ca genî. Qirkerdiş û kiştişê  şarê Kurd de ca genî.  
Eşkere destek danî kome çeteyan.
Wexto ke, nayê kome çeteyan, Kurdan kişenî, kîyê Kurdan şalenenî. Zulum kenî. Îşkence kenî.
Komal û weqifên girêdayê  rêxistanê Gladîo Otûken yê Fetullahî vanî, “Rojava de komkiştiş çîno”.
Vanî, “komkiştiş zurîyo”.
Tut, dayî, kal û keynayê Kurd ye ke, komkiştişê Tel Eran û Tel Halis de xelas bîyê, yew bi yew ser komkiştişê qise kenî.
Çeteyan, seyî ciwan, keynê, tut û cinîyên Kurd sarê birnê, ser no wehşetî yew bi yew qisekenî, wexto ke, qisekenî bermenî. Hesiranê çimanê xo kenî war.
Wexto ke ma nayê dîmen û roportajan temaşekenî. Ma nêeşknî cayê xo de bi vinderê.
Nayê dîmen û roportajan de heme çîyê zelal û xo ra nayê dîmen heme ca ra zî ameyê vilakerdiş.
La reyna komal, weqif û medyaya ke, komkiştişê Kurdan de ca girewta vanî, “komkiştiş zurîyo”.
Nayan vîjdanê xo vînkerdo. Nayan ehleqê xo vînkerdo. Hemene  nayan bê vîjdanê bê ehleqîyê.
Ze Hz. Muhammed vato, “Kom ke zure bikero ma ra nîyo”.
Kam ke komkiştiş ra vajo zuriyo, kam ke zure hina bikero, Misluman nîyo.
Ey bê vîjdanê, cayê şima pêron cehennemo. Çimkî, şima hem qetilkerî  hem zî  qetileran pawenê.
Ey bê vîjdanê.