Kurdîstanê de her roj komkiştiş esto. Hinayo ke rojêk bê komkiştiş derbasnêbeno.

Ma va qey emserr  Roşanê  Remezanê de komkiştiş nêbeno, labelê roşan senî qedîya Pirsusî(Sirûc) ra hayîyê komkiştişî ame. Ma cayê xo de cemidîyê, qefilyayê.

Ciwanê delal û rindek ameyê kiştiş. Ciwanê delal û rindek ayê  Çerkez,  Erebe, Kurd û Tirk hetê çeteyên DAÎŞ’ê T.C rê ra ameyê şehîdkerdiş.

Ma neşkenê biewnê dîmen û fotoyê înan yê  komkiştişê. Ma verê cû ra wehşîyetîya hina  şinasnenî.

Nê dîmen û fotoyan de yew çi vejîyeno werti. Dewleta Tirk, demê Şêx Seîd, komkiştişê Dersîm û Agirî, komkiştişê Roboskî û serranê 1990’an de se kerdo, Pirsus de zî eynî çi kena.

Dewleta Tirk tîya ra dima zî  ê komkiştişê hina bikero.  Amên û mîrazê na dewlet hina xirabo. Amên û mîrazê  dewleta tirk hinayo. 

Serkewtişê 7’ê hezîran û Girê Sipî dima ra na dewlat har bîya. Xo ra R.T.Erdogan zelal vano, “Wa pêronê dinya bizano, çi bedel beno wa bibo, ma nêverdenê başurê ma de Kurdîstanêk azad bîyero awankerdiş.”

No kiseyê Erdoganê dima ra komkiştişê Pirsus virazîya. 

Hina asano ke destê Erdoganê ra çi bîyero, ê zêdeyîr bikero.  

Hina asano ke komkiştişê Erdoganê dewambikerêne. Erdogan hetê komkiştişê de texsîr nêkeno, ê nêkero. 

Erdogan dişmenê şarê kurdo, seba nayê zî ê gureyê xo ca bîyaro. 

Mesela asasî aya ke, şarê kurd hemberê komkiştişê Erdoganê û dewleta tirk se bikero?

Tîya ra dima hewce keno ke, şarê kurd hemberê hêrîşê dewleta tirk xo bipawo.

Xo pawitiş di hetê ra beno.

A yewin.

Bi tewr û beşdarbîyayîşê hêzên pawitişê(HPG,YPG,YPJ, YBŞ) beno.

No wezîfeyê asasî ayê ciwananê kurdo. Ayê laj û kênayên kurdo.

Eger û eke ciwanê Almanya, Amerîka û Awistralyayê cayê dûrî ra yenî seba Kurdîstanêk azad canê xo danî, ciwanê kurd zî hina nêkerêne şerm nîyoke bivajenê ma ciwanê kurdê. 

A diyîn.

Ça û kotî de şarê kurd ciwîyeno, gere uca de hêzên pawitişê bivirazo.

Çi dew, qeze, bajar û mehele estî yew bi yew hêzên pawitişê bêne awankerdiş.

Ça û kotî de bane sazî û partîyanê kurd estî ger ayê bîyerenê pawitiş. 

Nobede cayê hina bîyero  girewtiş. Gere kam bêro nê cayan, pêronê înan bîyerenê sehîtî kerdiş û kontrol kerdiş.

Hino nêbo, vernîyê komkiştişan nêyeno girewtiş.

Gere ciwanê kurd û şarê kurd na raştî bizano, gore na raştî xo rêxistinbekiro.