Ser raverşîyayîşî tim û tim şarê kurd yew pers keno û vano; heval se beno, rewşe senîn a? Wexto ke yew wina pers keno, yew vajo ti rewşe senî vînenê? Ser nayî persî ayo ke pers kerdo, dest pêkeno, cewab dano.
Pers û cewab ra vejîyeno werti ke her kurdêk rewşa sîyasî ra hayîdar o. La reyna seba ke qiseykerdiş bibo herkes eynî pers perseno. Dişmen se keno hol vîneno, la reyna vanî se beno? Dişmen bi hawayo zelal hereket keno, la reyna ayê ke persan kenî, zelal nîyê. Dişmen eşkera eşkera kurdan kişeno, la eyê reyna dibendî de manenî. Nêvanî ero ma zî çend lekmatan dişmenî ra di. Nêvanî, hetanê dişmen ma ra do, ma verê cû dişmenê ra di. Bayîyê dişmenê vînenî. Vanî ‘hele ma ewnê se beno?’ Yew vatiş esto ya vanî, “Kurd hetanê pê çimanê xo nêvîno bawer nêkeno.” Wina seyr kenî. Wexto ke vînenî dima ra kewenê hereket. Tayê zî vînenê zî reyna çîk nêkenî.
Dişmen hêrîşê qezaya qedîme ya Sûrî ya Amedî keno, ayê he qala ma xover bidî yan me di kenî. Dişmen bajarê qedîm Heskîf pê dînamît û dozeran erdî ra keno yew, ayê reyna seyîr kenî. Destê dişmenê de çi yeno, texsîr nêkeno. Yewe bi yewe ca ano. Vernîya kamerayan de Heskîf werti ra rakeno. Gera seba Heskîfî qîyamet rabo, reyna veng vejîyayîşêk berz nêvejîyeno.
Şarê ma tena bi ewno qiseykerdiş û zulmê Erdoganî ra, o wext raştî hîna zelal asena. Erdogan ser Kurdistanî de sefer virazeno, şino Milazgîr. Vano;“Şima amade yî seba rizgarîya welatî kefen xo bikerenê?” Erdogan pê nê qiseyî zelal vano ke ma tîya ra pey şerê Kurd û Kurdistanî hîna zêde kenê. Ma Kurdistan de tirkkerdiş raver benî. Erdogan bi hawayo zelal vano, ma şarê kurd qir kenî. Werti ra wedarnenî. Ma Kurd û Kurdistanî çinî kenî. Nê qiseykerdiş û îcraetê Erdoganî ra dima yew kurd dibendî de bimano, eşkera vano ke ‘Ey Erdogan û dewleta tirk ez yew meşna ya, milê xo derg kena, bê serê mi bibirnê’. No dem demê ke wina yo ke demê qiseykerdişî nîyo. Dişmen senî hêrişê Kurdistan û şarê kurdî keno, gera kurd zî hezar qat zêdeyêr xover bido. Wexto ke xoverdayîşêko winasî nêbo, neyar zêdeyîr cesaret gêno û hîna zêdeyîr hêrîşê Kurd û Kurdistanî keno. Çunke neyar zano ke azadbîyayîşê Kurd û Kurdistanî, çinbîyayîşê dewleta Tirkîya, AKP, Erdogan, MHP û Hîzbulkontra HUDAPARî yo .
Neyar seba nayî sey kutikê harî hêriş keno. Zano wextê merge ey ameyo. Gera şarê kurd na rastî hol bivîno, çi destê ey ra bêro, bikero. Hemberê neyarî xover bido! Xover bido! Xover bido!