Ey AKP’yîyê wehşê wehşan!
Ey R.T.Erdogan û Ehmed Dawidoglî yo wehşê wehşan !
Şima vanê, qey ma ciwananê Kurd sey Hecî Loqman Bîrlîk înan kişenê, aqrebî rê giredanê û ardî rê kaşkenê û hina serkewnê.
Wile û bîle û tile şima sernêkewnê.
Her wehşetê şima, şarê kurd zêdayîr seqêneyano.
Her wehşetê şima, şarê kurd zêdayîr keno dişmenê şima.
Her wehşetê şima, şerê kurd zêdayîr seqêneyano û zêdayîr nêzdîyê Kurdîstanê Azad keno.
Her wehşetê şima, şarê kurd zêdayîr zanayê û hîşyar keno.
Her wehşetê şima, şarê kurd zêdayîr hêrs keno.
Her wehşetê şima, şima zêdayîr binvisneno.
Ey AKP’yîyê, R.T.Erdogan û Ehmed Dawidoglî yo wehşê wehşan!
Tîya ra dima şima eşkenê vajenê, ma muslumanî ye?
Tîya ra dima kam bawerkeno şima de dîn û îman esto?
Tîya ra dima kam yew vatişê şima rê bawerkeno?
Biewnê wehşê wehşan!
Şima çiqasî tîmanê taybet bişirawenê Kurdîstanê, şima reyna sernêkewnê.
Şima çiqasî bi tanq û topan bajar û dewanê Kurdîstanê bombabikerenê, şima reyna sernêkewnê.
Şima çiqasî bi teyaran zî Kurdîstanê bombabikerenê, şima reyna sernêkewnê.
Şima nê çîyê pêro Cizîre Botan, Farqîn, Gever, Nêsebîn, Licê, Bîsmîl, Gimgim û cayê bîn de kerdî.
Şima serkewtê?
Nê.
Şima 9 roj û 9 şew dormeyê Cizîrê Botan girewt. Şima Cizîre Botan de 23, bebek, qij, cinî, laj, keyna, pîr û kal û bawê kurd kiştî.
Peyêne de sebi?
Şima vînkerd. Ciwan û şarê Cizîre Botan bajarê bîn pergale şima vilakerd, vilakerd.
Şima Gimgim de Şehît Kevser(Ekîn Wan) kişt û zilût kerd şima serkewtî?
Nê.
Bi hezaran Kevserê newe beşdare gerîla bîyê.
Şima Agirî de gerîlayê HPG kişt û pê solan pay na ser cenazeyê gerîla û şima hina fotograf antê û vilakerd, şima serkewtî?
Nê,
Bi hezaran gerîlayê newe cayê gerîlayê şehîd girewt.
Şima hina kenê, pêronê dinya vînena ke şima senî wehşê.
Şima hina kenê, pêronê dinya vînena ke şima de ne vîcdan ne exlaq ne zî însanê esta.
Şima Şirnexi de Hecî Loqman Bîrlîk kişenê û erdî ra kaşkenê, şima vanê qey şarê Botan biterso?
Wile, bîle û tile şarê Botan qet û qet nêterseno.
Şarê Botan û şarê Kurdîstanê nê wehşîyetê şima vîrnêkeno.
Şima nêzanê yew vatişê berxoderanê kurd esto.
Vanê, “Vîrkerdiş îxanet a!”
Şarê Kurd, Hecî Loqman Bîrlîk vîrnêkeno.
Şarê Kurd, wehşetê şima vîrnêkeno ey AKP, Recep Tayîp Erdogan û Ehmed Dawidoglu.
Şima wehşê wehşanê.
Vîr mekerenê ya ewro yan zî siba, lez û herê ê şarê kurd şima ra hesab persbikero.
Vîr mekerenê ha.
Şarê Kurd vîrnêkeno.
Vîrkerdiş îxanet a!
Vîrkerdiş îxanet a!
Vîrkerdiş îxanet a!