Ma dişmenê xo weş şinasnenî. Ma zanê genetîka dewleta Tirk çîyo. Awankerdişa dewleta Tirk ser qirkerdişe şarê Kird o(Kurd). Têna hayê yew Planê Şark Islahat ra( Şark Islahat Plani) bibo beso. Biewnê dewleta Tirk Planê Şark Islahat de çi wana. “Gera kêna û şarê Kurd têna bi ziwanê Tirkî bîyêne perwerdekerdiş. Dew û bajarên Kurdistanê de  komal û mektebe Tirkî bîyêne awankerdiş û bi ziwanê Tirkî perwerde bibinê”. Kam kî na raştîya dewleta Tirk nêzano û gore naye hemberê dewleta Tirk xoverdayîş nêkero, bi zanayîş, nezanayîş qirkerdiş qebûlkeno. Tirkbîyayîş qebûlkeno.
Gera yew Kird û Kurd nata û weta nîdo. Gore na raştîyê tekoşîn bikero.  Hereketa Azadî na raştîye weş zana, 40 serrîya hemberê dewleta Tirk xoverdayîş kena. Hereketa Azadî na raştî weş zana û heta nika yew raverşayîş û gam eştiştê de bayîyê dewleta Tirk nêmenda, bi xo gam eşta. Pêro sazî û dezgehe kî Kurdistanê de awanbîyê, bi can û gonîyê ciwananê(kêna û laj) Kurd(Kird) ameye awankerdiş. Tekoşîna  Serokê Şarê Kurd Abdullah Ocalan, Hereketa Azadî, şervanên azadî û şarê Kurd nêbenê, nika şarê Kurd re behskerdiş nêbenê.  Eger ewro Şarê Kurd, pê lehçeya Kirdkî(Zazakî,Kirmanckî, Dimilî), Kurmancî, Soranî, Kelhûrî, Lorî, Hewramî, Lekî qisey keno, wa herkes bi zano kî pê tekoşîna şehîdan bîyo. Eger ewro ziwanê Kurdî mendo, ma deyndarê şehîdanê. Hereketa Azadî, gore na raştîye reyna bayîyê dewleta Tirk a qirker nêvinda û hîrê cayan de mektebê Kurdî awankerd. Perwerdê Kurdî da destpêkerdiş. Dewleta Tirk har bî û hêrîşê mektebanê Kurdî kerd. Ma zanî dewleta Tirk dişmenê şarê Kurd a. Ma zanî dewleta Tirk bîyayîşê Şarê Kurd qebûl nêkena. Ma zanî dewleta Tirk bîyayîşê yew Kurd zî qebûl nêkena. Ma zanî dewleta Tirk, welat, tarîx, kultur, şanik, çinbenok, mesela, deyîr û kilam têde çîyek ma qebûl nêkena. 
Eger ma na raştî zanê, gera ma gore nayî zî xo bipawi.
La sermîyanê sîyasî û Şarê Amed nêzananê ê dewleta Tirk hêrîşe Mekteba Verênê A Ferzad Kemanger biker o! Ma sermîyanê sîyasî û Şarê Amed nêzananê dewleta Tirk, dewletek îstîlaker û qirker a!
Ma ciwananê Kurd û ciwananê Amed nêzananê dewleta Tirk, dewletek dişmenê ciwananê Kurd a! Ma cinîyê Kurd nêzananê dewleta Tirk, dewletek dişmenê cinîyanê Kurd a! Ma qijan û tutanê (domam) Kurd nêzananê dewleta Tirk, dewletek dişmenê tutanê Kurd a! Ma nayan nêzananê, ma pîr û pîrê Kurd zî nêzananê dewleta Tirk, dewletek dişmenê Şarê Kurd a!
Ma pîr û pîrê Kurd seyî sermîyanê sîyasî û Şarê Kurd ê Amedê hîşyar nêkerd,seba kî mekteba Ferzad Kemanger bipawenê! Ma seyî çend polîsê Tirk rehet rehet şinî û kewnê mekteba Ferzad Kemanger û mor kenî.
Qet yew vengê xo nêkeno. Qet yew xoverdayîş nêkeno. Herkes temaşa keno. Ma dîmenan de na raştî temaşa kerd. Şarê Amed gera wehşîtîya dewleta Tirk bizano û gore nayî xo bipawo, dezgehanê xo bipawo.
Gera sermîyanê sîyasî û Şarê Kurd ê Amedê gera bi sehazaran, bi mîlyonan ver Mekteba Ferzad Kemanger kombibenê û nêverdenê polîsê Tirk mekteb mor bikerdenê. Hina girewtişa Mekteba Ferzad Kemanger bi yew şermek. Seba sermîyanê sîyasî û Şarê Amed bi yew eybek. Seba sermîyanê sîyasî û Şarê Amed bi yew şermek. Sermîyanê sîyasî û Şarê Amed gera no eyb û şerm werti ra weder o û raker o. Gera sermîyanê sîyasî û Şarê Kurd bi mîlyonan ver Mekteba Ferzad Kemanger, Berîvan û Ûveyş kombibo.
Hina hem qijan û tutanê(domam) xo bi ziwanê Kurdî(Kirdkî û Kurmancî) perwerde bikero, hem zî bipawo.