Almanya de seba Serekkomar Erdogan û cinîya ci do resepsîyonêk bêro dayene û na çarçewa de veng dîyayo xeylê temsîlkaranê dezgeyan. Kesê ke veng dîyayo ci ra yew zî Serekê Federasyonê Yewîya Elewîyanê Almanya Huseyîn Mat o.
Huseyîn Matî dîyar kerd ke o do beşdarê resepsîyonî nêbo û wina va: “Ez do herinda resepsîyonî de beşdarê rayîrşîyayîşê protestoyî ke do 28ê êlule de bêro viraştene, biba. Hetê Serekkomara Almanya ra dawet bîyayene çîyêko weş o. Labelê seba ma sebeb muhîm o. Beşdarbîyayîşê resepsîyonî yeno manaya meşrûkerdişê Erdoganî. Ma elewîyî 2012 de mîtînga Bochumî ra nata qerar girewto ke her ke Erdogan bêro Almanya, ma do ey protesto bikerî. Seba protestoyî ez do 28ê êlule de Berlîn de biba.”
Matî hukmatê almanî rexne kerd û wina domna: “Weçînayîşê hezîrane ra ver Erdogan û hukmatê AKPyî Almanya sey Nazîye girewtbî dest. Rojnameyê almanan Erdoganî sey dîktatorî şinase kerdbî. Mîyanê yew di aşman de se bi, têkilîyî wina bîyî. Ma elewîyî bi xalîya sûre şîyayîşê Erdoganî vera raşt nêvînenî. Ma nêwazenî Almanya berpirsîyarî bigîro. Menfîetê her dewlete estî, labelê nêyî do demêko derg de bibî sebebê problemanê cîddîyan.”
PÎRHA / STENBOL