Bextwaştoxê ke şero mîyanên yê Sûrîye ra remayî û ameyî Edene de bica bîyî, şert û mercanê tewr xirabinan de cuyenî. Nê bextwaştoxan ra yewe zî Omer Azîze yo.
Omer Azîzeyî derheqê çîyê ke cuyayî de qisey kerd. Azîzeyî va ‘ma verê cû waşt ke şêrî Lubnan’ û wina domna: “Ma çendêkî ewja de mendî, dima ra bebekê mi bî. Mi waşt ewja de dikanê parfumî biakera, labelê şarî destûr nêda. Xora şarê ewja bi hawayo baş nizdîyê ma nêbîyêne. Ma zî ameyî Tirkîya. Ma verê şîyî Hatay û dima ra zî ma ameyî Edene. Mi verê karê cîya-cîyayî kerdî û dima ra mi dikanê xo yê parfuman akerd. Nika ez bi nê dikanî debara keyeyê xo kena.”
Ez karê xo domnena
Omer Azîzeyî dîyar kerd ke o bi xo parfuman virazeno û wina dewam kerd: “Ma esansê parfumî Fransa ra ard Stenbol û ewja ra zî ma ard tîya. Goreyê her boye esans esto. Ez zî çîyanê bînan dekena mîyan û kena parfum. Ez bi viraştişê parfumî karê xo domnena û keyeyê xo ra zî ewnîyena. Eke şerê Sûrîye biqedîyo, ma do biagêrî keyeyê xo.”
MA - EDENE