Her kesê ke destê çeteyanê DAIŞî ra rizgar beno, wayîrê hîkayeyêka taybetin o. Nînan ra yewe zî hîkayeya Fatma Elî Şerîfe ya. Fatma dayîka 3 domanan a û mêrdeyê aye 8 serrî verê merdo. Fatma Reqqa de cuyena. No serrêk bî ke waştêne domananê xo destê çeteyanê DAIŞî ra rizgar bikera û 2 rojî verê xo resna HSDyî. Şerîfe qisey kerde û qiseykerdişê xo de qala hîsanê xo kerde.Şerîfeye wina va: “Çeteyêko 60 serreyî ke mîrê DAIŞî bî, waştêne ke kênaya mi ya 13 serreyî reyde bizewijîyo û dima ra zî kênaya mi bi nameyê zewajê cîhadî de bido embazê xo. Çeteyan ma ser de şero psîkolojîk meşnayêne. Derdê ma werd û şimitiş nêbî. Labelê çeteyan sey ke ma kaykerdox bibî, wina ma reyde kay kerdêne. Cilê kilmî domanan ra dayênê û domanan seba ke merdiman bikişî xebetnayêne. Ez vana eke Îslam wina bo, ez misilman nîya.”
Ez nêşona cayêk
Şerîfe dewamê qiseykerdişê xo de va ‘Mi domananê xo kampe ra vetî û ez seba ke beşdarê Hêzê Sûrîyeya Demokratîke biba, ameya tîya’ û wina dewam kerde: “Seba ke mi bişînayênê hêrs û kerba xo DAIŞî ra bivetêne, ganî mi sîleh bigirewtêne. 3 serrî bîy ke ma koleyê DAIŞî bîy. Mi êdî koletî qebul nêkerdêne. Ez rewşa koletî qebul nêkena. Mi israr kerd û ez ameya tîya. Êdî ez tîya ra nêşona cayêko bîn.”
HEYSEM MISLIM / ANHA / REQA