Hemsereka Kongreyê Komelê Demokratîke (KCD) û Parlamentera HDPyî ya Colemêrgî Leyla Guvena ke 31ê çileyî ra nata tewqîfkerde ya, seba ke kelepçe qebul nêkerde, destûr nêdîya ke beşdarê roniştişê mehkeme bibo. Guvene bi telekonferansî (SEGBÎS) beşdarê mehkeme bîye û qisey kerde.
Guvene dîyar kerde ke aye parlamenter a û cok ra kelepçe qebul nêkerda. Guvene qiseykerdişê xo de bale ante tecrîdo ke Rayberê Şarê Kurdî Abdullah Ocalanî ser û daye zanayene ke aye seba ke tecrîdî protesto bikero, dest bi grevê vêşanîye kerdo.
Guvene va ‘mi goreyê perpektîfê Rayberê Şarê Kurdî Abdullah Ocalanî dest bi karê sîyasetî kerd’ û wina domnaye: “Ewro tecrîdo ke Birêz Ocalanî ser o esto, tena kesêkî ser o nê, şarêk ser o yeno domnayene. Tecrîd sucê merdimîye yo. Ez zî sey parçeyêkê nê şarî, seba ke tecrîdî protesto bikera, dest bi grevê vêşanîye kena. Nika ra pey ez do pawitiş nêka. Heta ke na neheqîye qedêna, ez do çalakîya xo bidomna. Eke hewce bikero, ez do çalakîya xo biaçarna rojeyê mergî.”
MA / AMED