Dema ke hêrişê çeteyê DAIŞî destpê kerd, wendekarê lîsansa berza wendekarê zanîngeha Bogazîçîye Nejat Agirnasli (Paramaz Kizilbaş) seba pawiyayişê Şorişa Rojawane şî Kobanê û Paramaz şorişkereke enternasyonalîst bi. Paramaz şorişgerî malbata xo ra zey mîras girewtbi û maye û pîyê Paramazî zî seba hetkarîye amey Pirsûse.
Maye Paramazî Nuran Agirnasli dema ke qal kerd, lajê xo ra zey ‘embazê min’ xîtap kerd. Agirnasli dîyar kerd ke dema darbeya 12’ê Êlule seba ke qeçax cuyay, no ser zî lajê xo di Sokeye yew banê de arda dinyaye, hetanê 4 serra zî kamîya Nejatî nêvejnayî û Ewropaye de zî bi serran sirgûn de cuyay.
Dorûverê polîtîk
Agirnasli aşkera kerd ke dema lîseyî, Paramaz seba wendişê zanîngehe Tirkîyaye ra agêrayo û agêrayiş ra pey bi lezî Paramaz dorûverê polîtîk de cayê xo girewto û wina vat: “Lajê min hîna 16 serra xo de seba grewa vêşanî vilawek vilakerdiş de ame binçim girewtişî û peynî zî doza KCKî ame binçim girewtişî. Beşdarbîyîşê xoverodayişê Kobanê xêza domanê min bi. Bi nameyê xo zî waşt nîşana ke enternasyonalîst bikero. Lajê min kurd nêbî la axê Kurdistanî de canê xo da. Ermanî nêbî la nameyê yew ermenîyê şorişker girewt. Her tim hetê şarê bindestê cayê xo girewt. Xoverodayişê Kobanê fekê embazê ey ra goşdarnayiş hîna raşt bibo. Dema ke ez qal kena qasabaya min veşana la serkeftin bedel wazena.”
Mektube Paramazî
Maye Paramazî, Nuran Agirnasli mektube lajê xo wend. Mektube Paramaz vat bike: “Maye min ti bi sade û weşîya xo de min ra ferq dir bi. Na cu, to ra weş nêzdî nêbî, hetta ez zî ser to ameya û no ser zî min efû bikere. Min to ra yew randewû zî da la belê ez nêeşkîyaya sozê xo bitepişa. Min mektube xo de zî vat bi, no yew xatir waştiş nîyo, zey yew randewû yo, seba rojê weşî. Kedê to ser min zaf a, rojake di yew fala qehweyî de vejîya bike, yew cenî her tim min pawiyena. Ez bawera a cenî ti bi. Ez to ra zaf hes kena, heqê to helal bikere. Maye min weş, embazê min, dostê min yarena min.”
Agirnasli vat ke dema ke Paramaz Kobanê şî, ê ra vato ke o Amerîya Latîne ra şono, sifteyin a bawer nêkerda û no ser zî a waşta, Paramazî raywan bikera la Paramaz qebul nêkerdo û Paramaz sîmgeya xoverodayişî bi.
Têkoşîna Kobanê
Pîyê Paramazî, Hîkmet Acun zî aşkera kerd ke dema ke Paramaz hîna Kobanê nêşîyo, seba şîyîşê Rojawane nêzdî 5 aşm verê destpê xebatê kerdo û ê zî no demî bander bîyê û di embazê xo de zey xatir waştişê dem vîyartî û wina dewam kerd: “Paramaz her tim şorişe ser pirtûkan wendî û no ser waşt şorişe cayê xo de bivîno. Dema ke şî, qet di mektube xo de qalê gird nêkerd û waştê hewna doman bimano. Domanê min saf û sadetîyê temsîl kerdî. Kobanê fikrê heme dinyaye seba kurdan bedilna.”
DÎHA/RIHA