Serekîya Dayîreyê Koordînasyonê amser taxanê tebere bajarî de 4 mîlyon 530 hezar lire xerc kerd û xebata ke aşma gulane de daybî dest pêkerdiş hema-hema qedîna. Serekîya Dayîreyê Koordînasyonê qezaya Farqînî de 142 km xebata qeplemeyo sathî û stabîlîzeyê rayîrî kerde û se ra 90ê xebate qedîya.
Xebate merkezê qeza de bena
Ekîbanê ke roja çarine ya Roşanê Qurbanî de merkezê qeza de dest bi xebata asflatkerdişî kerde, kenê ke hetanî yew hewte Cadeyê Bedlîsî û Cadeyê Sanayî de xebata asfaltkerdişî biqedînê. Her di cadeyan rê 8 ton asfalt do bêro xebitnayîş. Serekîya Dayîreyê Koordînasyonê Binawanî û Viraştişê Rayîran kena ke, hetanî orteyê Aşma Teşrîna Peyêne xebata asfaltkerdişî û viraştişê rayîran biqedîno.
AMED