Aslan ke şahîdîya şertanê Derbeya 12ê Îlone kerd da zonayene ke navendê şoreşan Kurdistan o. Aslanî vist vîrî ke Rojhelatê Mîyanî de pêrokîn neweyî, modelê cuya newî, çalekîyê newî, modelê îdare û qiseyê newî bi pêşengtîya Hereketê Kurdan de ravey sonê. Metîn Aslanî hayr ant êrişanê çeteyanê DAIŞ ser û wina va: “Ewro tenya kurdan verra DAIŞ ke herkes ver de remyay de xover da. Nayî ra şoreşê Rojhelatê Mîyanî resya quwet û hereketê xo. Ereb, Sûryanî, Tirkmen, Ermenî, Keldanî, Xirîstîyan pêrokîn bindestî çormeyê xoverdayişê kurdan de bî jû û herbê ronayişê weşîya azad danê. Yê ke zayifî bî bî quwetîn.”
‘Peyser ageyrayişê tekoşînî nêbeno’
Aslanî hayr ant faşîzmê Erdoganî ser û da zonayene ke ganî Erdogan xoverdayişê Zîndanê Amedî yê 14ê Tîrmehî cipersyayiş bikero. Aslanî bi nê vatenan behsê xoverdayişê girotxane kerd: “Zindanê Amedî de xeynê îrade û bedenê viran teba destê tepişteyan de çinêbi. Yê ke Amed de xoverday tenya çend gencî bî. Wexto ke ma weynenê xoverdayişê 14ê Tîrmeh fehm kenê ke ewro çiyê ke yenê qewimyayiş resenê kotî. Erdoganî senî ke xoverdayişê girdî dî şîdet zî kerd xorîn. Qey vano bi welişnayişê sûk, tax, dew, mezelxane, camî do îradeyê kurdan bişikîno. La endî peyser ageyrayişê na tekoşînî çinyo.”
Wextê damisnayişê rihê 14ê Tîrmeh ame
Aslanî aşkere kerd ke herbo ke 24ê Tîrmeh 2015î de hetê Erdoganî û dewleta tirk ame destpa kerden do peynîya ci bo.
Xoverdayoxê xoverdayişê 14ê Tîrmehî Metîn Aslanî hayr ant Roceyê Merdişî ser û wina va: “Xoverdayişê Rojeyê Merdişî yê 14ê Tîrmeh Kurdistan û Tirkîye de civakekê newî akerd. Ganî herkesî ra bîro damusnayene ke no tekoşîn tekoşîneke çitur yo. Neyra tepya wextê Erdoganî rê damusnayişê 14ê Tîrmehî civaka kurd de, şaranê Rojhelatê Mîyanî de çi netîce vet werte ameyo.”
Kurdan Tîrmeh de ameyişê azad rê vatî merheba
Aslanî da zonayene ke aşma Tîrmehî serva kurdan aşmeke bi tilsim a û wina va: “Aşma Tîrmeh de bi kurdan kay nîna kerden. Mezgê kurdan de cayekê taybet yê aşma Tîrmehî esto. Kurdan aşma Tîrmeh de ameyişê azad ra vatî merheba. Erdoganî zî 24ê Tîrmehî de herb da destpa kerdiş. Pêrokîn dinya temaşe keno. Ma dê bivînê kam kamî rê çok dano ronayiş.
ANF/NAVENDÊ XEBERAN