FEDA ke damûstayîneke nuşteyî da veng da şaran ke ‘verba herbî, nêheqî û bêwijdanîya faşîzmî û seba ke zalimî rê vajîyo ‘vindere’ tewrê nûmayiş bibê û vengê xo berz bikerê. FEDA va 12ê Mijdare de Koln de bi bawerîye demokrasî û haştî dest biderime dest û bîyerime têlewe. Federasyonê Komeleyê Alewîyan va bi şîyara ‘Bêrê canî bibime yew’ seha Haqî ray şîyerime.
Seba nûmayişê gird yê Koln jû vengdayişê tewrbîyayenî zî NAV-DEM ra amê. NAV-DEM damûstayîna nuşteyî de vist vîrî ke îxtidara AKP ke seba ke Hereketê Serbestî yê Kurd vernîya sîstemê xo yê dîktatoryal de zey astengî vînena hewl dana ke herkesî dîskalîfe bikero û va, ‘seba na emelî pêrokîn ray û raybazanê zey qirkerdişê fizîkî û kulturî xebityena.
Dûştê faşîzmî bibime yew
Damûstayîn de vajîya ke xeleka peynî yê enê hêrişan tepiştişê wekîlanê HDP, tayînkerdişê qeyûmî yê şaredarîyanê DBP yo. NAV-DEM vist vîrî ke eke hemverê faşîzmê AKP de xoverdayişê cepheyê demokrasî nêbo, pêrokîn quwetê demokrasî dê bîrê tesfîyekerdiş û wina va: “Heta ke vernîya faşîzmê Erdoganî de nîro vindernayen û tekoşîneke aktîf û hera nîro dayen ser payan de vindertiş mimkun nîyo. Nayî ra eke ma quwetê xo bikerê yew û pêro pîya tekoşîn bidê êşkenime faşîzmî binbivistê.”
NAV-DEM aşkere kerd ke roja Şeme pêrokîn meclîsî, dezgehî, federasyonê girêdayê înan dê tewrê nûmayiş bibê. NAV-DEM herzewbîn Kurdistanijan ra pîya veng da çormeyanê demokrasî, azadîwaşt, şoreşger û antîfaşîstan ke bi aktîf tewrê nûmayişa Koln bibê û dûştê faşîzmî vengê xo berz bikerê.
Dinya de nûmayişê hemwext
Tenya Koln de nê, herzewbîn xêlê welatanê bînan de zî nûmayişê protestoyî yê hemwext dê virazîyê.
Nûmayişê ke Hollanda ra heta Belçîka, Kanada ra heta Roma, Yewnanîstan ra heta Japonya virazîye dem û cayê ci wina yê:
STOKHOLM: 11ê Mijdar 2016, seat 16.00, Sergels Torg Stockhom
ALMANYA/KOLN: 12ê Mijdar 2016, seat 13.00, Sîegbûrgerstr/Deutzer Werft
HOLLANDA: 12ê Mijdar 2016, seat 14.00 Nîeuwmarkt Amsterdam,
BELÇÎKA: 12ê Mijdar 2016, seat 13.00, Reu de Parto 32 4020 Liger,
KANADA: 12ê Mijdar 2016, seat 18.00, Toronto ON MAXV 1 A8,
DANÎMARKA: 12ê Mijdar 2016, seat 13.00, Svanemollen Station Kopenhagen
YEWNANÎSTAN: 12ê Mijdar 2016, seat, mavêna seatanê 09.00-18.00 ver Şaredarîya Bafos de nûmayişê roniştişî.
ROMA: 12ê Mijdar 2016, seat 14.00, ver Colesso
SWÎSRE: 12ê Mijdar 2016, seat 14.00, Claramatte Park
AWÛSTURYA: 12ê Mijdar 2016, seat 17.00, Schwarzenbergplatz
JAPONYA: 12ê Mijdar 2016, seat 13.00, Tokyo, Shîbûya
PARÎS: 12ê Mijdar 2016, seat 14.00, Meydanê Bastille
FRANSA: 13ê Mijdar 2016, seat 14.00, Avîgnon Gare Centre
AWÛSTRALYA/SÎDNEY: 15ê Mijdar 2016, seat 14.00, ver parlementorê Sidney.
NAVENDÊ XEBERAN