Askerekerdisê nuşteyî yê Federasyonê Alewiyê Demokratîk de hayr anciya qetilkerdişê hîrê ceniyanê kurd ser. Federasyonî vist vîrî ke heta nika kiştoxê qetlîam nîamey cezakerdin. FEDA aşkere kerd ke ne Fransa ne kî dewletê bînî serva roşnîkerdişê qetlîam hetê hiqûqî ra gureyînê cidî nêramite û niya vajiya: “Pey na bêvengî de zihnîyetê pawitişê dewletan û kiştoxan esto.
Qetlîam verra îtiqatê alewiyana
Federasyonê Alewiyê Demokratîk de hayr anciya nûmayişê edaletî yê ke hetê ceniyanê kurd yenê viraştiş ser û vajiya ke, yeno waşten ke kiştoxê hîrê ceniyan desinde bîrê mahkeme kerdin. Na waşten, waştena hometa alewiyana zî.
FEDA aşkere kerd ke, zey îtiqatê Alewiyê Qizilbaşê Kurd yê Anatolya û Mezopotamya, qetlîama verra hîrê ceniyanê kurd, zey qetlîama verra îtiqat û erciyayenanê xo vîneme û niya vajiya: “Sara, kurd, alewî, qizilbaş û şoreşger bî. Zihnîyeto ke ay qetilkerd, waşt terteleyê diyîn yê Dersim virazo, şexs dê Sakîne de xoverdayişê serbestî wedarno. Askerekerdis de hayr anciya şexsiyetê hîrê ceniyan ser û zey nimûne damûsniyay. FEDA serva heyf girotişê zihnîyetê camêrdo kiştox û serdest veng da herkesî ke, 9ê Çile de Parîs de bê.
ANF/NAVENDÊ XEBERAN