Şewatê ke bitaybetî Dêrsim de herêma Geyîksuyu de vejîyayî, her ke şono hîra benî. Selahîyetdarî mudaxaleyê şewatî nêkenî û welatîyê zerrîwaştoxî vera xo danî ke hewna bikerî, labelê nêşênî. Aktîvîst û temsîlkarê dezgeyî îzehetêk dayî çapemenîye.
Hunermend, serekê Şaredarîya Mazgêrdî, Pulur, DEDEF, DAD, HDP û sewbîna zerrîwaştoxî beşdarê îzehetî bîyî. Îzehet de hunermend Ferhat Tunçî va ‘Ma tarîxê Dêrsimî de felaketêko winasî reyde têrî nêmendî’ û wina domna: “Kesê ke nînan vînenî, nê dejan baş zanî. Merdimanê ma kiştî û dewanê ma veng kerdî. No çîyêko qet nêameyo dîyayene.”
Tunçî va ‘daristanî seba ma zaf erjin î’ û wina dewam kerd: “Qetilbîyayîşê daristanan, qetilbîyayîşê merdiman o. Bi rojan o daristanî yenî veşnayene. Eke Tuncelî bajarêk o, o wext wexto ke daristanî ameyî veşnayene, ganî bêro hewna kerdene. Hewnanêkerdişê şewatî suc o. Ma bêdestûrê kesî ameyî tîya û ma hewl danî bi destanê xo hewna bikerî. Ma veng danî herkesî; Dêrsim de daristan tarîx o, nasname yo. Fek veşnayîşê daristanan ra vera bidê. Ti sebeb veşnayîşê şima meşrû nêkeno.”
PÎRHA / DÊRSIM