HPG’e diyar kir ku endamê Konseya Leşkerî ya HPG’ê Têkoşer Gever (Muslih Îke) Tebaxa par di êrişeke hewayî de şehîd bûye û got, “Wekî rêhevalekî pêşeng di dîroka me ya têkoşînê de wî cihê xwe girtiye.” Navenda Ragihandin û Çapemeniyê ya HPG’ê diyar kir ku di 20’ê Tebaxa 2019’an de di êrişa hewayî de Têkoşer Gever (Muslih Îke) şehîd bûye. HPG’ê di daxuyaniya xwe de got, "Dewleta Tirk a dagirker ya sala 2019’an li hemberî berxwedana mezin a gerîlayên Kurdistanê têk çûye. Bi saya berxwedana gerîlayên Kurdistanê operasyonên dagirker ên li dijî Bakur û Başûrê Kurdistanê hatine pûçkirin. Bêguman mîmarên vê berxwedana dîrokî ya li dijî dewleta Tirk a dagirker şehîdên me yên qehreman in ên ku bi ruhê fedaî şer dikin. Yek ji berdêla ku me daye, hevalê me Têkoşer Gever (Muslih Îke) e yê ku di 20’ê Tebaxa 2019’an de di êrişa hewayî de li Herêmên Parastinê yên Medyayê şehîd bûye."  [caption id="attachment_240024" align="alignnone" width="300"] Gava ku fermandar Têkoşer Gever, Barzanî piştî şikandina DAIŞ´ê li Mexmûrê kir mêvan (Ew li milê rastê ye)[/caption] HPG´ê nasnameya fermandarê şehîd wisa eşkere kir: Têkoşer Gever (Muslih Îke) Li Colemêrgê ji dayik bûye HPG´ê fermandarê şehîd wiha da nasîn: "Rêheval Têkoşer di sala 1993’an de tevlî nav Têkoşîna Azadiyê ya Kurdistanê bûye û demeke dirêj li qadên şer têkoşiyaye. Rêheval Têkoşer bi baweriyeke mezin girêdayî gel, partî, şehîdan û Rêber Apo bû, herî dawîn jî heta peywira Konseya Leşkerî ya HPG’ê hemû peywirên xwe bi serkeftî pêk anîbû. Rêheval Têkoşer tevlî çalakiyan bûye û bi ruhekî mezin ê êrîşî bûye fermandarê gelek çalakiyên li dijî dijmin. Rêheval Têkoşer gelek caran birîndar bûye lê tu carî li paş nemaye. Rêheval Têkoşer ê ku fermandarekî jîr û taktîsyenekî xurt e, bi çalakiyên li ser avakirina nû li dijî hewldanên dijmin ên dagirkirinê bandoreke mezin kiriye." HPG´ê sersaxî ji malbata Îke gelê Kurdistanê re xwest û soza gihandina serfiraziyê ya têkoşîna azadyê da. Fermandar Têkoşer Gever di dema êrişa li dijî Başûrê Kurdistanê ya DAIŞ´ê de sala 2014´an fermandariza gerîlayan li bereya Mexmûrê kiribû û Başûrê Kurdistanê ji dagirkeriyê parastibû. Serokê hingê yê Başûrê Kurdistanê ji ber vê yekê li wargeha Mexmûrê çûbû serdana wî, malavahiya wî û gerîlayan kiribû. ANF/BEHDÎNAN