Fermandarîya Qerargehê Merkezî ya Pawitişê Şarî seba çalakîya înan a 5ê Temmuze Fermandarîya Sewq û Îdare yê Pawitişê Medya pîroz kerde.
Mesajê Fermandarîye de bale ancîyayo serkewtişê taktîkê gerîlayan ser û wina ameyo vatene: “Binê fermandarîya şima de, çarçewaya Hemleya Şorişgêre ya Şehîd Bager û Şehîde Ronya de 5ê Temmuze saete 10.30 de vera konvoya leşkerîye ya dagîrkere ke alaya Êrîşî yê Çelêya Colemêrgî ra şîyêne ver bi Girê Xeregolî çalakîyêka serkewtî û netîcegirewtoxe ameya viraştene. Mîyanê roje de, wareyêk ke dişmen xo tede xeylî biewle hîs keno de, bi nimitîyêka xorîye û bi sebrêkê pîlî şima vera konvoya dişmenî de dame ronaya û derbeyê giranî dayê dişmenî ro. Na çalakî goreyê taktîkê demê neweyî ya.”
Fermandarîye qala teknîkê dişmenî û vera ci de afernayoxîya gerîlayan kerda û wina vato: “Rixmo ke destê dagîrkerande her tewir teknîk esto zî gerîlayan bi îmkananê qijkekan û bi ruhêkê afernayoxî na çalakî viraşta. Reyna îrade, bawerî û afernayoxîya gerîlayan vejîyaya werte. Na çalakîya ke bi taktîkê dewrê neweyî ameya kerdene, derbeyê giranî dîyayê dişmenî ro û çîyêk bi gerîlayan nêbîyo. Ma heme hemrayanê ke çalakîye de ca girewtê pîroz kenê û şima rê serkewtiş wazenê.”
ANF / BEHDÎNAN