Nayê rojan de NÛÇETV de yew bername yena weşanayîş. Name aya bername “Torê Pîrike” ya. Bi tirkî “Orûmcek Axi” ya.  Na bername de zaf çîyê xirab yê ke Cemaatê Fetullah  Gûlen kerdî, yenî eşkera kerdiş.

Fet-Fetullah Gûlen  vano, ez gorê dînê Îslam gurî kena. La na bername de asena ke,  eleqê Fetî û Îslam çîna.
Keyna ya bi name Serhildan, Bername Torê Pîrike-Orûmcek Axî – de ser raştîyê Fetî-Fetullah Gûlen- de no tewir qise kena.
Keyna Serhildan, bajarê Wan de Cemaatê Fetullahîyon çi arda ser aya hina vana,“Keye ma keye ke dîndar bi. Welatparez bi. Dayî û bawê mi waştenê mi bedinê wendiş. Wendegeho –mekteb-ke mi wendenê  mûdirê wendegeh zî  nê çî zananê. Mûdirê wendegeh Beşîr Çalişkan, Fewzî Kiliç û Farûk şîyê keye mi ra qise kerd, keye ma qanî kerd  û ez berda  wendegehê şanî-yatilî- .Name ya mûdîra wendegehe ma Qedrîye bî. Rojek va, roja dayîbîyayîşa mûdîra Qedrîye ya. Ma, dayîbîyayîşê Qedrîye pîroz kenî. Bi nê namê bi zore ez û keynê bîn berdî û cayê pîrozkerdiş çîyê serxoşî ameyê şimitiş. Bi zorî, mi ra zî da şimitiş. Ez  heşê xo ser şîya. Dima ra Subayê Tirk ye Cemaatê Fetullah Gûlên yê bi name Wisif-Yusuf- Dadal dest eşt namusê mi, namûsê mi xirabkerd..... Ûca re pê ez kerda  ajanê xo û ez şiravita mîyanê gerilla, mi ra va uca de fermandarê PKK bikişi.
Wexto ke merdimê Cemaatê Fetîî-Fetullah Gûlen- nê çiye anî serre  Serhildan, Serhildan uçaxî he 13 serrî ya.
Yew ciwanê bîn ê bi name Dewrîm zî, Batman de hetê Cemaatê Fetullahîyon ra çi ameyo ser eyê hina qise keno. “Keye ma keye ke welatparez nêyo. Qalikê mi Erbakancî bi. Keye ma, zerrê taxê ma de ze keye ke faşîst ameyenê şinasnayiş. La mi welatparezan ra hes kerdenê. Rojek polîs ez tepişta û berda merkezê xo. ...Uca de hîri polîsên Cemaatê Fetullahîyon ê  bi name Suat, Murad û Serkan dest eşt namusê mi û a bênamûsî ya ke înan mi ser  kerd onte kamera.
Di hev  hina kerd. Mi ra va, eger ti nêbi ajanê ma, çîye bênamûsî îye  ke ma ser tû kerda, ma înan mojnanî herkes. Ez ver na çî tersawa û mi ajanîyê polîsê Cemaatê Fetullahîyon qebul kerd. Dima ra înan ez şiravita mîyanê   gerîlla, mi ra va, şîyer ûcadi xirabî bikere, biremê û ma ra agahî biyari”.
Beşa na bername zafî, heme beş biyerê seyr kerdiş raştîyê Cemaatê Fetîî seyî ê veşêr vejîyo werti.
Cemaatê ke çîyê hina bikero, eleqe î cemaatî û îslam nêbena.
No camaatê Fetîî,  bibo, bibo, beno cemaatê ke dişmenê Îslam.
No cemaatê Fetîî,  bibo, bibo, beno cemaate ke dişmenê Homa yî-Ellah-.
Cemaatê hina bibo, bibo, beno cemaatê ke neyarê Kurdan.
Verênanî ma derheqê însan û cemaatê hina no tewir vato.
“Nayê Îslam nêye, nayê mûnafiqî”.
“Beynatê raşt û zûrî yew vincew a”.
“Zureker, dişmenê Ellah o”.