EKREM BEREKAT / ANHA/RÎMELAN
Surê Amedî de verba dewleta tirk ciwanê kurdan têkoşînêko bi heybet dabî. Têkoşînê ciwanan bi fîlmê ‘Ji bo Azadîyê’ dinya ra yeno nişan dayiş. Taybetî Rojawan de fîlm zaf bi elaqa vîneno.
Antişê fîlmî Kobanê de ame viraştiş, çimkî Kobanê zî bajerê têkoşînî yo. Fîlm sifte Rîmêlan de peynî zî Qamişlo de şarê Rojawanî ra ame pêşkeşkerdiş. Rojîsorîya fîlmî Ersîn Çelîk kerd. Fistinoka antişê fîlmî ser Ersîn Çelîk qise kerd.
Mîyanê şerî de ame antiş
Rejîsor Ersîn Çelîk vat ke demo ke ê fîlmê antî, verba DAÎŞî Reqa de şero bi heybet domyaynê û dewleta tirk zî hêrişê Efrînî kerdinê û wina vat: “Ma qerqizyaynî ke eceb, ma heqê têkoşînê bi heybet o Sûrî bidê. Ma mîyanê şerî de bi hetkarîya şarê Kobanê no fîlm ant. Ma ewta de têkoşînêko bi 100 rojê ra behs kenî, zey sewbî destanê ma estî la qet sînemayî ra nêameyî antişî. Rejîsor Halîl Uysal 20 serrê verî, fîlmî ra destanêke ant. No ser ma şert bike bi qerar û cesaret bibê.”
Beşdarê organîzasyonan bîyê
Rejîsor Çelîk dîyar kerd ke ê Festîvalê Fîlmî ya Kolkotayî ra beşdar bî û fîlmê Surî no festîval de zaf bi ela dîyo û wina domna: “Fîlmî ra zaf bi elaqa ame nîşandayiş, çimkî beşdaran meraq kenî, Sûr de çi ame cuyayiş. Elaqayo gird ser fîlm, festîval de di ray ame nişandayiş. Na aşma 23-25î do fîlmê Surî Rotterdam de bêro mojnayiş. Nika ra pey fîlmê Sûrî de do heme organîsyon û fîstîvalê girde de cayê xo bigo.”