Hemşaredarê Bajarê Gird yê Amedî Firat Anli, êro Anitparke de xebatê mudirtîya Mobîlyayayê bajar û rinkerdiş a ke Serekîya Daîreyê Park Baxçe û cayê zergunîyan ser o xebatan kena teftîş kerd.
Anliyî derheqê xebatan de Midûrê Şaxa Mobilyayê Bajar û rinkerdiş Cankut Yakut û Endezyara Komtrolî Fatma Ayhan ra malumat girewt. Anliyî waşt wa lez bidîyo xebate û wina va “Na proje rê 2 milyon û 53 henzar mesref şîyo. Tikî mendo ke xebatê binesazî biqedîyê. Nê rojan de xebatê dorûver zî dest pêkenê. Wexto ke xebate qedîya cayo zergunî û nerm zêde benê.
Anitparke senî yena sererastkerdîş?
Şaredarîya ma hewteyo bîn mîyanê parke de dest bi xebata viraştişê honze kena. No qeyde hem ca beno honik hem zî gedeyî eşkenê mîyanê parke de kêf bikerî. Parke de parkura rayşîyayîşî ya 400 metre derd yeno ronayîş. Dorê honze de mazeneyê fetesnayîşî yenê ronayîş. Onca mazemeyê soprî zî parke de yenê ronayîş. Semedê ciwanan vayê amfî yeno ronayîş. Onca semedê gedeyan cayê kaye yeno viraştiş. Semedê cinîyan zî cayê şitdayîşê gedeyan û lavabo yeno viraştiş. Pê sîstemo newe sîstemê drenajî yeno ronayîş. Hêna her cayê parke de hesabê astengdaran zî yeno kerdiş. Onca dîregê parke yenê newekerdiş û sîstemê roşnîyêka rind yeno ronayîş.
AMED