Sermiyanê dewleta terortîste çekuyê “terorîst” fekê xora waronêdanê. Kotî qesey kenê, na çekuye anê kar. Haştiya tornanê Osmanî na wa. Haştiye ra qese kenê, binê na çekuye de şîmşer danê we. Eke firsed ra dest kuyo, şîmşerê xo oncenê vilê kurdan çelkenê.

Keso ke demê qeseykerdene û haştiye ra qal keno, gune verecoy zonê xo bivurno, jê verî qesey mekero.
Hama vatîsanê sermiyananê dewleta terorîste de niyadana, fek ra qefçiliye vorena, qesê kanî rişînê. Nî qesan zî hata nika gonî verda de.
Niyadê! Serokwezîrê na dewleta terorîste Recep Tayyîp Erdogan se vano:
“Operasyonî nevindenê û nênê vindarnayene. PKK’yîz çekanê xo caverdenê, hen sonê tever, Bi çekan şiyayene qebul nêkeme, ma şehîd dame, î qefçil qeçil mirenê.”
Kilmek vano, “hodrî meydan bêrê pêrodîme.”
Kurdî nî vatîsan sero gune xorî xorî bifikriyo. Nî vatîşî yenê manê “teslîm bê!”. Manê xoyode bîn çîno.
Kesoke raştke haştiye biwazo, niya qesey nêkeno. Demê haştiye de mordem mesajunê goninu qomê xo nêdano, bi mesajana melayîman qomê xo haştiye rê keno amade.
Hama nî teyna jû çekuye naskenê, a kî bi “T” dest kena ci. Herhalde xezna Osmanî ra cirê mêres menda. Teror bingê na dewlete de esto. Honde terteleyî kerdê, onca zî kesê bêgunayî ra vanê “terorîst.”
Raştiyede terorîstî bi xo yê, çike xanê xo pirrê tertelun o, pirrê gonî yo.
Aynî serokwezîr vano “Ma şehîd dame, î qefçil qeçil mirenê”. De bê ke na qefçiliye û munafiqenî qebul bike. Nî teqetê dewleta tirkî ça merdî?
-Vatenê kurdî çînê, tirkê koyan estê, vatenê zonê kurdan çîno, qart qurt esto û vatenê Kurdîstan çîno.
Na rîwal ra dewleta terorîste verva kurdan herbode qilêrin kerd û na herb de esker û polîsê xo merdî. Nika vanê kurdî estê, zonê kurdan esto û Kurdîstan esto. Pekî nî esker û polîsê dewleta ça biyê şehîd ke!!
Siyasetvanê ma gune dîqqet bikerê! Mislimaniya nînan de birayenî çîne biye û çîna. Ma  hezar serre zulm û zorvajîya mislimaniya nînan ra onte. Jede avê nêşerîme, biyarîme xo vîrî: Însanê ma wastenê xorê roza yenîye meydanan de nimaj bikero, çike camiyan de verva kurdan vaaz amenê dayene. Esker û polîsanê dewleta terorîste bi çekan nimaj de estenê însanê ma ser û cirê ejat kerdenê.
Mislimanoke seweta Tertelê Roboskî leborîna xo nêwazeno, ey de birayenya oldariye nêbena.