Emser serrgêra 40. ya Awanbîyayîşê Partîya Karkeranê Kurdistanî (PKK) bî û serrgêra awanbîyayîşî Koyanê Kurdistanî ra heta çar parçeyanê Kurdistanî, Rojhelato Mîyanên, Ewropa û heme dinya de ame pîrozkerdiş. Pîrozkerdişî nizdîyê 2 hewte yo ke dewam kenî.
Bi na wesîle bajarê Colmarî yê Fransa û bajarê Lîmasolî yê Kibrisî de zî serrgêra awanbîyayîşê PKKyî ameyî pîrozkerdiş.
Bajarê Colmarî yê Fransa de serrgêre bi hawayo qelebalix ameye pîrozkerdiş. Pîrozkerdiş bi rêzgirewtiş dest pêkerd û dima ra qiseykerdişî ameyî kerdiş. Qiseykerdişan de bale ancîya roje bi roje nizdîbîyayîşê azadîye ser û ame vatiş ke Rojhelato Mîyanên do bi saya felsefeya PKKyî de bixelisîyo. Çalakîye de vera tecrîdî de reaksîyon ame nîşandayîş û qala muhîmîya çalakîyan ameye kerdiş. Reyna çalakîye de seba rayîrşîyayîşo bi nameyê ‘Gurgum ra ver bi Roboskê’ ke do 16ê Kanûne de bêro viraştiş zî vengdayîş ame kerdiş. Çalakîye de hunermendî Ozan Zozane, Alî Baran, Zarîfe, Ahmet Denîz û grûba folklorî ya Mulhouse ca girewtî.
Bajarê Lîmasolî yê Kibrisî de zî kurdan serrgêra PKKyî pîroz kerdî. Pîrozkerdiş Salona Sporî ya Andreasî de ame viraştiş. Salone de posterê Rayberê Şarê Kurd Abdullah Ocalan û kadroyanê PKKyî ameyî aliqnayîş û pankarta ke ser de ‘Wa serrgêra 40. bi ruhê Delal Amede pîroz bo’ ameye akerdiş. Salone de sînevîzyon ame nawitiş. Salone de sloganê ‘Wa bicuyo Rayber Apo’ ame eştiş û hunermend Dilovan beşdarê çalakîye bî.
ANF/BRUKSEL