Sey ke yeno zanayîş referandûm de her tewir neheqî, zurî û dîzdê ameyî kerdiş. Cok ra referandûm ra dima munaqeşeyî dest pêkerdî û wina aseno ke do munaqeşeyê referandûmî do hema dewam bikerî. Het û kesê demokratîkî referandûm ra dima seba demokratîkbîyayîşê Tirkîya veng dayî û omidê demokrasî xo reyde ardî.Babete ser o Parlamenterê CHPyî yê Mêrsînî Aytug Aticiyî qisey kerd.
Aticiyî destpêkê qiseykerdişê xo de va ‘ser esasê îttîfaqî de her tewir pêkerdiş beno’ û wina dewam kerd: “Sey ke Demîrtaşî zî va ‘ganî kesê ke vatî ya hetê demokrasî ra bêrî îqnakerdiş.’ Eke merdim girêdayeyê pîvanan bibo, ti manaya nameyan nêmaneno. CHPyî nê bawerî de yî ke her tewir îttîfaq do bi pêkerdişê yewîya şaran bibo. Lazimîya şaran bi demokrasî û yewî esta. Tena rayîrêk esto o zî îttîfaq o. Ganî menfîetê şexsî û yê partî orte ra bêrî wedarnayîş.”
Seba pêkerdişan wext lazim o
Aticiyî dewamê qiseykerdişê xo de va ‘pêkerdişê ke tede menfîetê şexsî û yê partî bibî zerarin î’ û qiseykerdişê xo wina qedêna: “Ganî ma pê bikerî. Seba pêkerdişê HDP û CHPyî wext lazim o û ganî merdim pêkerdişan de bi hawayo bipîvan hereket bikero.”
KENAN KIRKAYA / DÎHABER / ANQARA