Cayê zîhnîyeto pak û demokrasî de xebatê cinîyan zêde beno. Weqfa Cinîyê Azade yê Qamişlo seba her het ra averberdişê cinîyan dewreyêk perwerde dayî destpêkerdiş. Perwerde de averşîyayîşê cinî, pawitişê weşî, peydakerdişê karî û sewbîna çîyî yenê hedefgirewtiş. Her hetê komelî ra cinîyî tewrê dewreyê perwerdeyî benî. Mamostayê ke dewre de perwerde danî cinîyan, qisey kerdî.
Hewte de 3 rojî perwerde
Helîma Mihemede babete ser o wina va: “Ma hewte de 3 rojî perwerde danî cinîyan. Ganî cinîyî hetê ekonomî û her hetê ciwîyayîşî de ca bigîrî. Ganî cinîyî her hetê ciwîyayîşî de bi rengê xo tewrê ciwîyayîşî bibî.” Sêva Tahîre qiseykerdişê xo de wina va: “Cinîyî seba pawitiş û weşîya xo ganî tewrê dersan bibî. Spor seba weşîye zaf muhîm o. Wa heme cinîyî tewrê dersan bibî.”
Rîyad Seyîde wina va: “Hedefê dewreyê perwerdeyî, xelisnayîşê kulturê ma yo ke ver bi çinbîyayîşî ra şono yo. Awankerdişê binawanîya kultur û komelî yo.” Silêman Tacidînî zî qalê xelisnayîşê komelî kerd û wina va: “Seba ke weşîya komelî bêro pawitiş, ganî komel bêro pawitiş. Ganî komel her het ra bêro perwerdekerdiş.”