Hêzê komplogerî seba menfîet û sîyasetê xo yê lîşin 15ê sibate 1999 de waştê ke bi tepiştişê Rayberê Şarê Kurd Abdullah Ocalan, Tevgerê Kurd tasfîye bikerî. Koordînasyonê Cinîyanê Kurd yê Ewropa (TJK-E) derheqê serrgêra 18. ya Komploya Mîyanneteweyî de îzehetêko nuştekî weşêna û komplo rexne kerd.
Îspat kerd
TJK-E îzehetê xo de va ‘cinî û ciwanê kurdan seba vindarnayîşê Komloya Mîyanneteweyî bedenê xo dayî adirî ver û dormeyê Rayberê Şarê Kurdî de bîyî xeleke’ û îzehetê xo rê wina dewam kerd: “Komplogerê mîyanneteweyî hêzê xo vînî kerdî û têkoşînê şarê kurd serkewt. Tevgerê Azadî û Rayberê Şarê Kurdî xo newe ra mîyanê wela xo de kerdî ganî. Şarê Vakurê Kurdistanî bi qezencê xo yê sîyasî, bîyayîşê xo îspat kerdî. Şarê ma bi Hemleya Xoserîya Demokratîke kewt merheleyêko bîn. Her kes baş zano ke do çîyêk nêbo sey verê. Şorişê Rojawanî seba azadîya heme şaran bî omid.
Projeyê rayberî
TJK-E îzehetê xo de bale anta hêzê cinîyan ser û îzehetê xo wina qedênaya: “Şorişê Cinîyan projeyê Rayber Apoyî yo tewr pîl bî. No proje xo dima qezenç, vînayîşê komelkî û têkoşînêko gird ard. Heto bîn ra no proje mîyanê xo de cinî, ciwan, extîyar, doman û heme şaran hewêneno. Hêzê komplogerî seba çinkerdişê nê projeyî 40 serrî yo ke xebetîyenî. Polîtîkayê şerê topyekunî de gerîla, sîyaset û şarê kurd yenî hedefgirewtiş. AKP bi faşîzm emrê xo derg keno. Şarê kurd bi zanayîşê azadî do sîstemê Îmrali têk bîşêro. Ma do 11ê sibate de, roja şeme Strasbourg de meş û mîtîng bivirazî. Ganî heme cinîyî seba rexnekerdişê komplo beşdarê meş û mîtîngî bibî.”
STRASBÛRG