Endama Koordînasyonê Partîya Azadîya Cinîyanê Kurdistanî (PAJK) Evîndar Ararate derheqê tecrîdo girankerde û bêvengîya dezgeyanê mîyanneteweyîyan de qisey kerde û vera dezgeyanê mîyanneteweyîyan de reaksîyon nîşan daye.
Endama Koordînasyonê PAJKî Ararate va ‘ganî vera faşîzmî de ciwanî vera xo bidî têkoşînê azadîye’ û wina dewam kerde: “Tecrîd bitaybetî vera cinîyan de û pêroyî de vera herkesî de hêrişêko topyekun dayo dest pêkerdene.”
Ararate dewamê qiseykerdişê xo de wina va: “Polîtîkaya tecrîdî sîstemî reyde eleqeder a. Sîstemê îşkenceyî yê Îmrali, eynî wext de vera heme Tirkîya de yeno domnayene. Fikir û projeyê Rayberê Şarê Kurdî Abdullah Ocalanî şar de alternatîfê cuya azade xelq kerdî. Cok ra tecrîd cinî, ciwan û heme şaran ser o yeno domnayene. Her ke şono Ewropa û Rojawan de vera tecrîdî de reaksîyonî zêde benî. Ganî nê reaksîyonî bibî sey tarzêk. Labelê Konseyê Ewropa û CPT vera îşkenceyanê zîndanan de bêveng î. Îşkenceyê Îmrali sucê merdimîye yo. Ganî nê dezgeyî bêrî teşhîr kerdene.”
Tirkîya bîya zindanêko akerde
Ararate qiseykerdişê xo de bale ante rewşa hepsîyanê sîyasîyan ser û wina va: “Tirkîya bi rejîmê faşîstî bîya zindano akerde. Seba ke rêxistinîya komelî xira bikerî, îşkenceyê hepsîyan kenî. Ez karkeranê Flormarî zî silam kena. Ez heme şehîdanê Kurdistanî bi rêzdarî yad kena. Hemleya 15ê Tebaxe sere de artêşbîyayîşê cinîyan vernîya têkoşînê 35 serran akerd. Ganî sere de heme ciwanî û bitaybetî cinîyê ciwanî vera faşîzmî de vera xo bidî koyanê Kurdistanî û beşdarê gerîla bibî.”
ANF / BEHDÎNAN