Endamê Heyetê Îdareyê Merkezî yê Weqfê Kulturê Anatolîya yê Haci Bektaşi Velîyî (HBVAKV) Huseyîn Gulsevenî derheqê weçînayîşê 24ê Hezîrane de qisey kerd. Gulsevenî va ‘wa weçînayîşî heme bindestan rê xêrin bî’ û wina dewam kerd: “Weçînayîşê 24ê Hezîrane tarîxê Tirkîya de weçînayîşo tewr muhîm o. Tirkîya yan bi dîktatorîye yeno îdarekerdiş, yan zî sîstemê meclîsî bihêz beno. No weçînayîş prosesêko winasî de derbaz beno.”
Gulsevenî dewamê qiseykerdişê xo de wina va: “Herçiqas ke weçînayîşêko zextkar û OHAL estî zî, xebatê weçînayîşî û prosesê têkoşînî dewam kenî. Waştişê ma o yo ke wa kede û demokrasî qezenç bikerî. Ma elewîyî çarçewaya heqanê xo çarçewaya welatîyê seyyewbînanîye de wazenî. Cemxaneyanê ma sey cayê muzîkî vînenî. Cok ra vera dîktatorîye de ganî ma elewîyî tesilî şêrî sindoqan ser.”
PÎRHA/MÛŞ