Çalakîya ke seba wedarnayîşê tecrîdo ke Rayberê Şarê Kurd Abdullah Ocalanî ser de yo, 23ê teşrîna verêne de bi organîzekerdişê 63 dezgeyan bajarê Strasbourgî yê Fransa de dîyaybî destpêkerdiş, roja 48. de dewam kena.
Heta nika çalakgeran 5 reyî selahîyetdaranê CPTyî reyde pêvînayîşî viraştî, ti netîce nêgirewtî. Çalakgêrî qerardar î, heta ke netîce bigîrî, çalakîya xo bidomnî. Aktîvîsta cinîye Maranne Ebela ke çalakîye zîyaret kerde, derheqê tecrîdî de qisey kerde û vindetişê Ewropa rexne kerde.
Ebele bale ante ser tecrîdo ke Ocalanî ser de yeno meşnayîş û bêvengîya Ewropaye rexne kerde û wina va: “Ez destek dana çalakîya kurdan; çimkî tecrîdo ke Rayberê Şarê Kurd Abdullah Ocalanî ser o yeno meşnayîş, nîno qebulkerdiş. Ez tecrîdî şermizar kena û rewşa ke hepsîyî tede yî, protesto kena. Ganî Ewropa vindetişê xo vera Tirkîya de bibedilno. Tirkîya babeta bextwaştoxan şuxilnena û Ewropa zî vera nêyî de sere ronena.”
Rojawan hevî dano cinîyanê dinya
Aktîvîste Ebele dewamê qiseykerdişê xo de wina va: “Dinyaye çarçewaya Rayîrşîyayîşê Cinîye de xoverdayîşê cinîye şinasnaye. Cinîyê kurdî Rojawan de vera dişmenanê merdimîye de mîyanê têkoşînî de yî. Ganî ma piştî bidî nê cinîyan. Rojawan hêvî dano cinîyanê dinya. Ganî ma cinîyê dinya zî wayîrê ewja bivejyî.”
ANF/STRASBOURG