Ewropa de reydayîşê referandûmî domîyeno. Weçînitoxê ke Ewropa de cuyenî, şonî reya xo danî û seba referandûmî veng danî. Babete ser o Awankaranê Federasyonê Elewîyê Erebî yê Ewropa Nîhat Nalça qisey kerd û fikrê xo aşkere kerd.
Nalçayî va ‘destpêke ra nata vindetişê ma zelal o’ û wina domna: “Ma do sîstemê kesêk tesdîq nêkerî. 16 komeleyê ke girêdayeyê federasyonê ma yî, ma hem Tirkîya û hem zî Ewropa de xebatê nê kenî. Ma do tekperestî qebul nêkerî. Sîstemê qiralî de daxî tayê çîyî yenî kontrolkerdiş. Labelê Erdogan wazeno sîstemêko ke qralîye ra xirabêr o, awan bikero. Ma nêyî qebul nêkenî.”
Şar destûr nêdano
Nalçayî dewamê qiseykerdişê xo de va ‘ma destpêke ra nata mexdurê nê sîstemî yî’ û wina va: “Şar do destûr nêdo nêyî. Referandûmo ke şert û mercê OHALî de bêro viraştiş, do demokratîk nêbo. Ganî ma bi ruhê seferberî hereket bikerî. Tena vatişê nê qîm nêkeno, ganî ma yê ke vanî ya zî îqna bikerî. Seba vatişê nê xeylê sebebê ma estî, la seba vatişê ya, ti sebebê ma çin o. Ganî heme elewîyê erebî şêrî sindoqan ser û vajî nê.”
ANF/BRUKSEL