Sila Abalaye 6ê gulane de qezaya Kuçukçekmece ya Stenbolî de hetê polîsan ra ameybî qetilkerdiş. Polîsî saetê serê sibayî de eştî keyeyî ser û Sila Abalaya 18 serreyî qetil kerdî. Qetilkerdişî ra dima hetê medya ra îtîrafêk ame û ame vatiş ke hedefê polîsan endamê TÎKKO Rauf Erdemo 25 serreyî ke hetê dewlete ra yeno gêrayîş bî û Abalaye bi tesadufî ameya qetilkerdiş.Babete ser o Avûkatan ra Oya Aslane û Avûkatê Rauf Erdemî Ercan Kanarî qisey kerdî.
Aslane bale ante rewşa OHALî de qetilkerdişan ser û wina va: “ Hedefê polîsan tewqîfkerdiş û binçimkerdiş nîyo, rasterast qetilkerdiş o. Sebeb se beno wa bibo, qetilkerdiş suc o. Kanarî zî dîyar kerd ke medya de yeno vatiş ke Raufo 25 serreyî hetê polîsan ra yeno gêrayîş. Muvekkîlê mi hema 6 aşmî ver tehlîye bî û 6ê gulane de reyna ame tepiştiş. No senî beno. Çîyê ke medya de yenê nawitiş zur î.
ROJDA OGUZ / ŞÛJIN / STENBOL