Temsîlkarê Xususî ê Neteweyê Yewbîyayeyî (NY) yê Sûrîye Steffan de Mîstûra aşkere kerd ke ganî kurdî zî tewrê prosesê nuştişê Destûra Bingehîn ê Sûrîye bibê.
Steffan de Mîstûra ke Ajansa Xeberan ê Rûsya RIA Novostî rê qisey kerd û va, ‘Nêbeno ke estbîyayîşê Kurdan nêvînayîşî ra bîro.’ Mîstûrayî ard ziwan ke ganî kurdî zî tewrê prosesê nuştişê Destûra Bingehîn a newî yê Sûrîye bibê.
Goreyê zanayîşan, îdarekarê Neteweyê Yewbîyayeyî hefteyanê peynî de sûka Lozan ê Swîsre de, bi tayî "komanê mûxalîf" ê Sûrîye ra ser Destûra Bingehîn a newî de qisey kenê û fikrê înan gênê.
Rûsya, verîya nika netîceyê pêdîyayîşanê Astana de, seba Sûrîye pêşnûmeyeke Destûra Bingehîn pêşkêş kerdbî û teklîf kerdbî ke çêkûya "Ereb" ke mîyanê "Komara Ereb ê Sûrîye" de vîyarena, bîro vetiş. Herzewbîn seba herêmanê Kurdan zî "Xoserîya Kulturî” teklîf kerdbî.