Sîyasetmedaro sûrîyeyij Prof Fûad El-Qatrîbî zî serrgêra Komploya Mîyanneteweyî ya 15ê Sibate de qisey kerde. El-Qatrîbî dewamê qiseykerdişê xo de Komploya Mîyanneteweyî sey komploya sîstemê kapîtalîzmî şinase kerd û wina va: “Ocalan bi hemkarîya îstîxbaratanê Amerîka, Israîl û sewbîna xeylê dewletan de ame teslîmkerdiş. Tarîx de heta ê wextî komployêka winasî nêamebî dîyayîş. Labelê Ocalan bi zanayîş û vindetişê xo hedefê komplo veng vet û nêverda ke komplo bireso hedefê xo.
Ganî rolê xo kay bikerî
El-Qatrîbî qiseykerdişê xo de vatişê Ocalanî yê ke vatbî ‘Çareserîya problemê kurdî seba Rojhelato Mîyanênêko xoser û demokrat zaf muhîm o’ da vîr û qiseykerdişê xo wina qedêna: “Têkoşîno ke şarê kurd bi çarçeweya fikrê Ocalanî de meşnenî do qederê şaranê Rojhelato Mîyanênî zî dîyar bikero. Berpirsîyarîyêka tarîxî ya şarê kurdî esta; ganî şarê kurd têkoşîno demokratîk ke meşneno reyde rayberîya şaranê Rojhelato Mîyanênî bikero.”
ANHA / QAMIŞLO